Klopp: Þurftum að hafa mikið fyrir þessu

Liverpool vann sinn fimmta sigur úr síðustu sex deildarleikjum er liðið valtaði yfir nýliða Brighton 5-1 í ensku úrvalsdeildinni í dag.

„Það lýtur út fyrir að við séum á flugi,“ sagði knattspyrnustjórinn Jurgen Klopp eftir leikinn í dag.

„Því miður þá er það ekki svo einfalt, við þurfum að vinna mikið fyrir þessu.“

Liverpool skoraði tvö mörk á tveimur mínútum í fyrri hálfleik og bætti svo við tveimur öðrum í seinni hálfleik. Síðasta mark Liverpool var sjálfsmark Brighton.

„Við þurfum úrslit. Þegar við erum rólegir erum við virkilega gott lið, en við þurfum að halda áfram. Ég hef miklu meiri áhuga á næsta leik, við þurfum stig og að vera eins nálægt liðunum fyrir ofan okkur og við getum,“ sagði Jurgen Klopp.