Pulis rekinn

Enska úrvalsdeildarliðið West Brom hefur rekið Tony Pulis úr starfi knattspyrnustjóra.

West Brom hefur ekki unnið leik síðan í 2. umferð og kornið sem fyllti mælinn var 0-4 tap fyrir Chelsea á laugardaginn.

Aðstoðarþjálfarinn Gary Megson tekur við West Brom til bráðabirgða.

Pulis tók við West Brom í byrjun árs 2015. Á fyrsta tímabili hans við stjórnvölinn endaði liðið í 13. sæti. Á síðasta tímabili endaði West Brom svo í 10. sæti.

Í vetur hefur hins vegar ekkert gengið og West Brom er aðeins einu stigi frá fallsæti eftir 12 umferðir.