Norðfjarðargöng opna á morgun Ingvar Þór Björnsson skrifar 10. nóvember 2017 23:25 Norðfjarðargöng leysa af hólmi Oddskarðsgöng og erfiðan fjallveg að þeim göngum beggja vegna. Vegagerðin Norðfjarðargöng verða opnuð á morgun klukkan 13:30 þegar Jón Gunnarsson samgönguráðherra mun klippa á borða með aðstoð Hreins Haraldssonar vegamálastjóra. Að lokinni athöfninni við gangamunnann Eskifjarðarmegin verður ekið í gegnum göngin í Dalahöllina í Fannardal í Norðfirði þar sem öllum er boðið til kaffisamsætis.Páll Björgvin Guðmundsson, bæjarstjóri Fjarðabyggðar, og eiginkona hans, Hildur Ýr Gísladóttir, tóku þátt í hlaupinu.AðsentMikið um að vera í Fjarðabyggð alla helginaFjarðabyggð stendur auk þess fyrir ýmsum uppákomum í tengslum við opnunina alla helgina. Dagskráin hófst í kvöld þegar fólki gafst tækifæri á að labba, skokka, hlaupa eða hjóla í gegnum nýju göngin. Íþróttafélögin Þróttur og Austri sáu um viðburðinn og að sögn Páls Björgvins Guðmundssonar, bæjarstjóra Fjarðabyggðar, tókst vel til. „Þetta var mjög vel heppnað og þau stóðu sig vel hjá Þrótti og Austra. Á annað hundrað manns tóku þátt. Þetta markaði upphaf helgarinnar en göngin verða svo vígð formlega á morgun,“ segir Páll. Nefnir hann einnig að bæjarhátíð verður alla helgina. Segir hann að göngin breyti gríðarlega miklu. „Þetta snýst mjög mikið um öryggisþáttinn. Við erum að fara í það að hafa jarðgöng úr því að þurfa að fara yfir sex hundruð metra háan fjallgarð á milli byggðakjarna, segir Páll.“ Þá nefnir hann að þetta sameini byggðir samfélagsins í eina heild. „Þetta hjálpar til við það að sameina sveitarfélagið í eitt atvinnu- og þjónustusvæði. Þetta er punkturinn yfir i-ið hvað það varðar.“Göngin leysa Oddskarðsgöng af hólmiLangur aðdragandi er að nýju Norðfjarðargöngunum. Norðfjarðargöng leysa af hólmi Oddskarðsgöng og erfiðan fjallveg að þeim göngum beggja vegna. Oddskarðsgöng voru byggð á árunum 1972-77 og eru einbreið, 640 metra löng og liggja í um 610 metra hæð yfir sjó. Ný göng til Norðfjarðar í stað Oddsskarðganga eiga sér sögu aftur til 1986 þegar samgönguráðherra skipaði nefnd til að gera langtímaáætlun um jarðgöng. Árið 1988 var skipuð önnur nefnd til að vinna að undirbúningi jarðgangagerðar á Austfjörðum. Nefndin skilaði tillögum sínum 1993, þar sem lagt var til að í fyrsta áfanga skyldi gerð ný göng til Norðfjarðar og Seyðisfjarðar til að rjúfa vetrareinangrun þeirra staða. Í þingsályktun um jarðgangaáætlun fyrir árin 2000-2004 voru verkefni til rannsóknar vegna jarðganga milli Eskifjarðar og Norðfjarðar, Héraðs og Vopnafjarðar og Arnarfjarðar og Dýrafjarðar. Þannig voru þessir þrír jarðgangakostir teknir fram fyrir þá rúmlega 20 sem til álita komu í jarðgangaáætlun. Við frekari undirbúning ganga milli Eskifjarðar og Norðfjarðar var horfið frá þeirri leið sem kynnt var í jarðgangaáætlun og miðað við 6,9-7,8 km löng jarðgöng, frá láglendinu í Eskifirði að 128-176 metra hæð yfir sjó í Fannardal í Norðfirði.Heildarlengd ganganna með vegskálum tæplega átta kílómetrarLengd nýju Norðfjarðarganganna í bergi er 7.566 metrar, vegskáli er 120 metrar Eskifjarðarmeginn og 222 metrar Norðfjarðarmegin eða samtals 342 metrar. Heildarlengd ganga með vegskálum er því 7.908 metrar. Þversnið ganganna er 8,0 metra breitt í veghæð. Í göngunum eru 14 útskot, þar af fjögur snúningsútskot. Inni í göngunum eru 4 steypt tæknirými og 2 við hlið vegskála utan ganga. Neyðarrými fyrir um 150 manns verða við hvert tæknirými inni göngunum. Vegur í gegnum göngin er 6,5 metra breiður milli steyptra upphækkaðra axla. Nýir vegir að göngunum Eskifjarðarmegin eru um 2 kílómetrar og Norðfjarðarmegin um 5,3 kílómetrar, samtals um 7,3 kílómetrar. Í tengslum við vegagerð að göngum voru byggðar nýjar brýr annars vegar 44 metra löng á Norðfjarðará og 58 metra löng á Eskifjarðará. Mest lesið Fimm handteknir eftir að skoti var hleypt af Innlent Þungt haldinn eftir árekstur á Hafnarfjarðarvegi Innlent „Kom hvergi nærri samræði hans við barnunga stúlkuna“ Innlent Alvarlega særður eftir hnífstunguárás Innlent Maður leiddur út í járnum í lögregluaðgerð í Tryggvagötu Innlent Airbnb-íbúðir leigðar undir fölsku flaggi Innlent Mennirnir enn í haldi lögreglu Innlent Leggja til að veiðigjaldið verði innleitt í skrefum Innlent Nafn mannsins sem lést í mótorhjólaslysinu Innlent Slökkt á eldsneytisflæði rétt eftir flugtak og ruglingur milli flugmanna Erlent Fleiri fréttir Þurfi að taka á þeim sem telji sig geta keypt líkama annarra Hríðskotabyssa í poka kom Íslendingi á lista CIA Nafn mannsins sem lést í mótorhjólaslysinu Vonar að minnihlutinn sýni ábyrgð svo ekki þurfi að beita ákvæðinu aftur Telja jákvæðu skrefin of fá Fyrsta sjálfvirka bílaþvottastöðin opnuð á Selfossi Alvarlega særður eftir hnífstunguárás Mennirnir enn í haldi lögreglu Staðan á Alþingi og refsilaus vændiskaup Leggja til að veiðigjaldið verði innleitt í skrefum Hvaðan kemur „kjarnorkuákvæðið“? Þungt haldinn eftir árekstur á Hafnarfjarðarvegi Einn handtekinn eftir stunguárás Fimm handteknir eftir að skoti var hleypt af „Kom hvergi nærri samræði hans við barnunga stúlkuna“ Maður leiddur út í járnum í lögregluaðgerð í Tryggvagötu Airbnb-íbúðir leigðar undir fölsku flaggi Opinberar gamalt ástarsamband við táningsstúlku „Liggur alveg ljóst fyrir að þetta frumvarp er drasl“ Forstöðumaður spilar og syngur fyrir gesti Sundlaugar Akureyrar Sögulegur dagur á Alþingi og vændi í Airbnb-íbúðum Árekstur bíls og vespu á Hafnarfjarðarvegi Sögulegur dagur á Alþingi: Lýðræðisákvæði eða kjarnorkusprengja? Varðskipið Þór heldur heim frá Noregi í næstu viku Frumvarpið komið yfir erfiðasta hjallann en gæti átt nóg eftir Einn handtekinn í mansalsrannsókn lögreglunnar Vændiskaupendur séu oftast fjölskyldufeður á leið til vinnu eða fundar Lögregla rannsakar slys í sundlauginni í Stykkishólmi Kristrún fái ef til vill að bragða á eigin meðali fyrr en síðar Hóta að loka svæðinu við Seljalandsfoss Sjá meira
Norðfjarðargöng verða opnuð á morgun klukkan 13:30 þegar Jón Gunnarsson samgönguráðherra mun klippa á borða með aðstoð Hreins Haraldssonar vegamálastjóra. Að lokinni athöfninni við gangamunnann Eskifjarðarmegin verður ekið í gegnum göngin í Dalahöllina í Fannardal í Norðfirði þar sem öllum er boðið til kaffisamsætis.Páll Björgvin Guðmundsson, bæjarstjóri Fjarðabyggðar, og eiginkona hans, Hildur Ýr Gísladóttir, tóku þátt í hlaupinu.AðsentMikið um að vera í Fjarðabyggð alla helginaFjarðabyggð stendur auk þess fyrir ýmsum uppákomum í tengslum við opnunina alla helgina. Dagskráin hófst í kvöld þegar fólki gafst tækifæri á að labba, skokka, hlaupa eða hjóla í gegnum nýju göngin. Íþróttafélögin Þróttur og Austri sáu um viðburðinn og að sögn Páls Björgvins Guðmundssonar, bæjarstjóra Fjarðabyggðar, tókst vel til. „Þetta var mjög vel heppnað og þau stóðu sig vel hjá Þrótti og Austra. Á annað hundrað manns tóku þátt. Þetta markaði upphaf helgarinnar en göngin verða svo vígð formlega á morgun,“ segir Páll. Nefnir hann einnig að bæjarhátíð verður alla helgina. Segir hann að göngin breyti gríðarlega miklu. „Þetta snýst mjög mikið um öryggisþáttinn. Við erum að fara í það að hafa jarðgöng úr því að þurfa að fara yfir sex hundruð metra háan fjallgarð á milli byggðakjarna, segir Páll.“ Þá nefnir hann að þetta sameini byggðir samfélagsins í eina heild. „Þetta hjálpar til við það að sameina sveitarfélagið í eitt atvinnu- og þjónustusvæði. Þetta er punkturinn yfir i-ið hvað það varðar.“Göngin leysa Oddskarðsgöng af hólmiLangur aðdragandi er að nýju Norðfjarðargöngunum. Norðfjarðargöng leysa af hólmi Oddskarðsgöng og erfiðan fjallveg að þeim göngum beggja vegna. Oddskarðsgöng voru byggð á árunum 1972-77 og eru einbreið, 640 metra löng og liggja í um 610 metra hæð yfir sjó. Ný göng til Norðfjarðar í stað Oddsskarðganga eiga sér sögu aftur til 1986 þegar samgönguráðherra skipaði nefnd til að gera langtímaáætlun um jarðgöng. Árið 1988 var skipuð önnur nefnd til að vinna að undirbúningi jarðgangagerðar á Austfjörðum. Nefndin skilaði tillögum sínum 1993, þar sem lagt var til að í fyrsta áfanga skyldi gerð ný göng til Norðfjarðar og Seyðisfjarðar til að rjúfa vetrareinangrun þeirra staða. Í þingsályktun um jarðgangaáætlun fyrir árin 2000-2004 voru verkefni til rannsóknar vegna jarðganga milli Eskifjarðar og Norðfjarðar, Héraðs og Vopnafjarðar og Arnarfjarðar og Dýrafjarðar. Þannig voru þessir þrír jarðgangakostir teknir fram fyrir þá rúmlega 20 sem til álita komu í jarðgangaáætlun. Við frekari undirbúning ganga milli Eskifjarðar og Norðfjarðar var horfið frá þeirri leið sem kynnt var í jarðgangaáætlun og miðað við 6,9-7,8 km löng jarðgöng, frá láglendinu í Eskifirði að 128-176 metra hæð yfir sjó í Fannardal í Norðfirði.Heildarlengd ganganna með vegskálum tæplega átta kílómetrarLengd nýju Norðfjarðarganganna í bergi er 7.566 metrar, vegskáli er 120 metrar Eskifjarðarmeginn og 222 metrar Norðfjarðarmegin eða samtals 342 metrar. Heildarlengd ganga með vegskálum er því 7.908 metrar. Þversnið ganganna er 8,0 metra breitt í veghæð. Í göngunum eru 14 útskot, þar af fjögur snúningsútskot. Inni í göngunum eru 4 steypt tæknirými og 2 við hlið vegskála utan ganga. Neyðarrými fyrir um 150 manns verða við hvert tæknirými inni göngunum. Vegur í gegnum göngin er 6,5 metra breiður milli steyptra upphækkaðra axla. Nýir vegir að göngunum Eskifjarðarmegin eru um 2 kílómetrar og Norðfjarðarmegin um 5,3 kílómetrar, samtals um 7,3 kílómetrar. Í tengslum við vegagerð að göngum voru byggðar nýjar brýr annars vegar 44 metra löng á Norðfjarðará og 58 metra löng á Eskifjarðará.
Mest lesið Fimm handteknir eftir að skoti var hleypt af Innlent Þungt haldinn eftir árekstur á Hafnarfjarðarvegi Innlent „Kom hvergi nærri samræði hans við barnunga stúlkuna“ Innlent Alvarlega særður eftir hnífstunguárás Innlent Maður leiddur út í járnum í lögregluaðgerð í Tryggvagötu Innlent Airbnb-íbúðir leigðar undir fölsku flaggi Innlent Mennirnir enn í haldi lögreglu Innlent Leggja til að veiðigjaldið verði innleitt í skrefum Innlent Nafn mannsins sem lést í mótorhjólaslysinu Innlent Slökkt á eldsneytisflæði rétt eftir flugtak og ruglingur milli flugmanna Erlent Fleiri fréttir Þurfi að taka á þeim sem telji sig geta keypt líkama annarra Hríðskotabyssa í poka kom Íslendingi á lista CIA Nafn mannsins sem lést í mótorhjólaslysinu Vonar að minnihlutinn sýni ábyrgð svo ekki þurfi að beita ákvæðinu aftur Telja jákvæðu skrefin of fá Fyrsta sjálfvirka bílaþvottastöðin opnuð á Selfossi Alvarlega særður eftir hnífstunguárás Mennirnir enn í haldi lögreglu Staðan á Alþingi og refsilaus vændiskaup Leggja til að veiðigjaldið verði innleitt í skrefum Hvaðan kemur „kjarnorkuákvæðið“? Þungt haldinn eftir árekstur á Hafnarfjarðarvegi Einn handtekinn eftir stunguárás Fimm handteknir eftir að skoti var hleypt af „Kom hvergi nærri samræði hans við barnunga stúlkuna“ Maður leiddur út í járnum í lögregluaðgerð í Tryggvagötu Airbnb-íbúðir leigðar undir fölsku flaggi Opinberar gamalt ástarsamband við táningsstúlku „Liggur alveg ljóst fyrir að þetta frumvarp er drasl“ Forstöðumaður spilar og syngur fyrir gesti Sundlaugar Akureyrar Sögulegur dagur á Alþingi og vændi í Airbnb-íbúðum Árekstur bíls og vespu á Hafnarfjarðarvegi Sögulegur dagur á Alþingi: Lýðræðisákvæði eða kjarnorkusprengja? Varðskipið Þór heldur heim frá Noregi í næstu viku Frumvarpið komið yfir erfiðasta hjallann en gæti átt nóg eftir Einn handtekinn í mansalsrannsókn lögreglunnar Vændiskaupendur séu oftast fjölskyldufeður á leið til vinnu eða fundar Lögregla rannsakar slys í sundlauginni í Stykkishólmi Kristrún fái ef til vill að bragða á eigin meðali fyrr en síðar Hóta að loka svæðinu við Seljalandsfoss Sjá meira