Innlent

Gripinn með 5,5 kíló af kannabisefnum

Kolbeinn Tumi Daðason skrifar
Kannabisefnin sem fundust í bíl Íslendingsins.
Kannabisefnin sem fundust í bíl Íslendingsins. Lögreglan í Albaníu
24 ára íslenskur karlmaður, sem er í haldi lögreglunnar í Albaníu grunaður um fíkniefnasmygl, var handtekinn við landamæri Albaníu og Svartfjallalands síðastliðinn sunnudag. Í bílnum sem maðurinn ók fundust 5,5 kíló af kannabisefnum. 

 Þetta staðfestir lögreglan í Albaníu við albanska fjölmiðla. Eftir því sem Vísir kemst næst á maðurinn engan sakaferil hér á landi.

 Birtar eru myndir af efnunum sem fundust í bílnum á vefsíðu miðilsins eins og sjá má hér að ofan. Maðurinn hefur verið búsettur erlendis undanfarin ár og hafði verið á ferðalagi á bíl sínum Evrópu í sumar.

Utanríkisráðuneytið staðfesti í samtali við Vísi í dag að mál mannsins væri komið á borð ráðuneytisins. Borgaraþjónusta ráðuneytisins gæti hagsmuna og öryggis Íslendingsins.

 


Tengdar fréttir

Mest lesið


Fleiri fréttir

Sjá meira


×

Mest lesið