Innlent

Bein útsending: Kvöldfréttir Stöðvar 2

Þórhildur Þorkellsdóttir skrifar
Kynferðisbrot er til rannsóknar hjá lögreglunni í Vestmannaeyjum, en tilkynnt var um brotið í Herjólfsdal í nótt. Lögreglan greindi frá þessu í færslu á Facebook í dag. Þar kemur fram að meintur gerandi og fórnarlamb þekkist, og að báðir einstaklingar hafi gefið skýrslu hjá lögreglu. Vettvangur hafi verið tryggður, brotaþoli færður á neyðarmóttöku og sakborningi verið sleppt úr haldi.

 Lögreglan í Vestmannaeyjum hefur haft þann háttinn á undanfarin ár að veita fjölmiðlum ekki upplýsingar um þau kynferðisbrot sem kunna að koma upp á hátíðinnni. Yfirlögregluþjónn segir enga stefnubreytingu hafa orðið í upplýsingagjöf embættisins, þó að greint hafi verið frá brotinu á Facebook.

Sálfræðingur sem hefur sérhæft sig í meðferð fyrir þolendur kynferðisbrota segir að það geti verið skaðlegt að gefa ekki upp upplýsingar um tíðni kynferðisbrota. Ítarlega verður fjallað um málið í fréttum Stöðvar 2 á slaginu hálf sjö.

Þá verður fréttastofan að sjálfsögðu á ferð um landið og greinir frá stöðu mála á helstu útihátíðum. Einnig hittum við unglingsstúlkur í sumarbúðum sem segja dásamlegt að hvíla sig á snjallsímanum á meðal dvölinni stendur, en í sumarbúðunum ríkir algjört snjallsímabann.

 Þetta og margt fleira í fréttum Stöðvar 2 klukkan 18.30 .
 

Mest lesið


Fleiri fréttir

Sjá meira


×

Mest lesið