Wenger: Ekki hræddur um að Sanchez fari

Arsene Wenger, knattspyrnustjóri Arsenal, hræðist það ekki að Alexis Sanchez gæti yfirgefið félagið.

Sanchez skoraði tvö marka Arsenal í 2-3 sigri á Crystal Palace í gærkvöld.

„Ég er ekki hræddur, en þetta er í umræðunni útaf stöðu samningsins hans. Ég get bara endurtekið það sem ég hef sagt áður,“ sagði Wenger eftir sigurinn í gær.

Sílemaðurinn verður samningslaus í sumar og gæti því farið frítt frá félaginu.

„Ég hef aldrei efast um framlag hans, en þegar hann á svona góðan leik með stöðuna eins og hún er þá er eðlilegt að fólk spyrji spurninga,“ sagði Arsene Wenger.