Einn með allar tölur réttar og 92 milljónum ríkari

Einn stálheppinn Norðmaður er rúmum 92 milljónum ríkari eftir Víkingalottó kvöldsins.

Enginn Íslendingur hlaut fyrsta vinning í þetta skiptið en tveir heppnir sem keyptu miða sína á Íslandi hlutu annan vinning og fá 1,2 milljónir hvor. Miðarnir sem keyptir voru á Íslandi voru keyptir í verslunum N1 í Borgarnesi og Stóragerði í Reykjavík.

Þrír voru með fjórar jókertölur réttar og hljóta hver 100 þúsund krónur. Þeir miðar voru keyptir hjá Olís í Stykkishólmi, Shellskálanum í Þorlákshöfn og Skalla í Hraunbæ í Reykjavík.