Rosalega gaman þessa dagana 14. maí 2016 09:00 ,,Við höfum komist að því að það skiptir engu máli hvað við erum gamlir eða hversu lengi við störfum saman; á meðan þetta er gaman þá höldum við áfram," segir Georg Holm, bassaleikari Sigur Rósar. MYND/VILHELM Meðlimir Sigur Rósar eru þessa dagana að leggja lokahönd á undirbúning fyrir næstu tónleikaferð sveitarinnar um heiminn, þá fyrstu síðan 2012-2103 þegar sjöttu og sjöunda breiðskífum sveitarinnar, Valtara og Kveik, var fylgt eftir. Ferðalagið hefst í Barcelona snemma í næsta mánuði þar sem sveitin kemur fram á Primavera Sound tónlistarhátíðinni. Þaðan liggur leiðin á ýmsar tónlistarhátíðir í Evrópu næstu þrjá mánuði með stuttri viðkomu í Japan og Ástralíu. Haustið og fyrri hluti vetrar verður svo tileinkaður Kanada og Bandaríkjunum auk þess sem Sigur Rós spilar í Kína og Singapúr í nóvember.Nánari upplýsingar um tónleika sveitarinnar má finna á heimasíðu Sigur Rósar. Í fyrri tónleikaferðum um Evrópu hefur sveitin bæði spilað á tónlistarhátíðum og haldið eigin tónleika en í þetta sinn er eingöngu einblínt á tónlistarhátíðir að sögn Georgs Holm, bassaleikara sveitarinnar. „Við byrjum á því að þræða tónlistarhátíðir í Evrópu, bæði stórar og smáar, þekktar og minna þekktar. Þarna eru hátíðir sem við höfum spilað á áður en líka margar þar sem við komum fram í fyrsta sinn, t.d. nokkrar í Austur-Evrópu. Þetta verður nokkuð þétt dagskrá en um leið líka skemmtileg.“Persónulegri tónleikar Fyrirkomulagið verður annað í Bandaríkjunum og Kanada þar sem hljómsveitin mun einungis spila á eigin tónleikum. „Sú tónleikaröð verður persónulegri enda spilum við þar á aðeins minni stöðum. Sviðsmyndin verður þó sú sama og öllu tjaldað til. Tónleikagestir munu finna meiri nálægð og lagavalið verður aðeins öðruvísi, þar spilum við m.a. rólegri lög og höfum meira pláss fyrir smáatriðin.“ Eins og fyrr segir kemur sveitin fram í Kína og Singapúr síðar á árinu auk þess sem hún kemur fram á Fuji Rock Festival í Japan í sumar. „Viðtökurnar í Asíu hafa komið okkur skemmtilega á óvart. Við spiluðum á nokkrum tónleikum þar í síðustu stóru tónleikaferð okkar, t.d. í Taívan, Singapúr og Malasíu. Okkur finnst ekki óeðlilegt að spila fyrir framan 8-12.000 manns í Evrópu og Bandaríkjunum en þegar við mættum til Taívans og Singapúr var uppselt. Það kom okkur mjög á óvart hvað fólk þekkti tónlist okkar vel og það var óneitanlega sérstök tilfinning að spila fyrir 10.000 manns þar sem allir sungu með á íslensku.“Kemst upp í vana Það eru næstum tveir áratugir síðan fyrsta plata Sigur Rósar kom út og eftir útkomu Ágætis byrjunar árið 1999 hefur líf Georgs og félaga hans einkennst af löngum tónleikaferðum. Hann segir þetta brölt allt komast upp í vana og eftir því sem árin líði læri hann betur á slíkt líferni. „Í dag getur þetta þó stundum verið pínulítið strembið því nú er ég fjölskyldumaður. Fjölskyldur okkar reyna þó, eins og hægt er, að eyða tíma með okkur. Þar sem við spilum bara á tónlistarhátíðum í sumar myndast oft göt sem henta fjölskyldum okkar vel. Þegar við byrjum Evrópulegginn okkar í næsta mánuði í Barcelona ætlum við fjölskyldan að mæta nokkrum dögum fyrr og njóta samverunnar þar í borg. Næst er förinni heitið til Porto í Portúgal og þar verður sami hátturinn hafður á.“Georg Holm, ásamt félögum sínum í Sigur Rós, á sviði í Helsinki í lok síðustu stóru tónleikaferðar sveitarinnar 2013.MYND/DORIT SALUTSKIJNýtt efni að fæðast Félagarnir hafa ekki setið auðum höndum í vetur, frekar en fyrri daginn. „Við höfum verið að dunda okkur við að semja nýtt efni saman en líka unnið að öðrum verkefnum samhliða því. Jónsi hefur verið að vinna að eigin plötu og við Orri gerðum tónlist við heimildarmyndina The Show of Shows, í leikstjórn Benedikts Erlingssonar. Okkur fannst sú tónlist nógu góð til að vera gefin út á plötu og kom hún út fyrr á þessu ári.“ Síðasta plata Sigur Rósar, Kveikur, kom út árið 2013 og eru aðdáendur sveitarinnar orðnir óþreyjufullir eftir nýju efni. Georg segir þá félaga vissulega langa til að gefa út nýja plötu en engin dagsetning sé þó komin á hreint. „Nú þegar er eitt lag tilbúið sem gæti litið dagsins ljós fljótlega og verður þá hluti af henni. Það eru langar og stífar tónleikaferðir fram undan á árinu og því lítill tími til að klára nýju lögin eins hratt og við vildum.“Breyttar útsetningar Hluti nýju laganna mun þó heyrast á tónleikunum í ár. „Mikið af nýja efninu eru ókláraðar hugmyndir. Okkur langar í sumar að gera það sem við gerðum þegar við fylgdum Ágætis byrjun eftir á sínum tíma. Þá prófuðum við nýju lögin okkar, sem sum enduðu á svigaplötunni, á tónleikum áður en þau voru fullsamin. Við ætlum að gera þetta aftur í sumar og prófa nýja efnið þannig.“ Annað sem tónleikagestir munu heyra eru breyttar útsetningar á eldri lögum sveitarinnar. „Við höfum unnið að því undanfarna mánuði að endurútsetja gömlu lögin og gera þau spennandi fyrir okkur á ný. Þar sem við erum bara þrír á sviðinu höfum við líka þurft að hugsa sum lögin upp á nýtt, t.d. þegar kemur að píanópörtum laganna. Orri er reyndar orðinn jafnvígur á píanó og trommur og spilar stundum á bæði hljóðfærin á sama tíma.“Ennþá spennandi Eftir nær tvo áratugi er engan bilbug að finna á félögunum. „Við höfum komist að því að það skiptir engu máli hvað við erum gamlir eða hversu lengi við störfum saman; á meðan þetta er gaman þá höldum við áfram. Og þessa dagana er rosalega gaman og reyndar mun skemmtilegra en áður. Ég fann sömu stemninguna þegar við gerðum Kveik 2013, þá var sama spennan í loftinu og er til staðar í dag. Ég held að enginn okkar átti sig á því hvert við erum að stefna tónlistarlega séð núna en sú stefna er allavegana sérstök.“Skrúfur og Vogaídýfa Utan anna með hljómsveitinni tekur Georg lífinu með ró og sinnir fjölskyldunni. „Undanfarnar vikur hefur fjölskyldan t.d. að mestu leyti haldið sig uppi í sumarbústað. Þar eyðum við löngum stundum úti á bát við veiðar sem mér finnst eiginlega besti staður í heimi til að vera á.“ Meðal annarra áhugamála nefnir hann mótorhjól en þeim áhuga deilir hann með öðrum hljómsveitarmeðlimum. „Svo er ég forfallinn fótboltaáhugamaður og vil helst ekki missa af leik. Mér finnst mest svekkjandi þessa dagana að komast ekki á leik með íslenska landsliðinu á EM í Frakklandi en við erum held ég að spila alla leikdagana.“ Lokakeppni Eurovision fer fram í kvöld og víst að stór hluti þjóðarinnar muni fylgjast með. Georg er ekki mikill áhugamaður um tónlistina sjálfa þótt keppnin sem slík sé áhugaverð og stundum skemmtileg. „Þetta er svona fjölskyldustund þegar pítsa er pöntuð, fylgst er með stigagjöfinni og skrúfur og Vogaídýfa er á borðum. Á það ekki einmitt að vera svoleiðis?“ Tónlist Mest lesið „Spurði hversu mörgum stelpum hann væri búinn að senda þessa línu“ Makamál Hugsar oft til fyrstu ástarinnar vegna ástandsins í Íran Lífið Gallstasi á meðgöngu: „Ég grátbað um að ég yrði sett af stað“ Áskorun Þórdís Lóa um Júró-umfjöllun: „Hvers vegna þessi þögn?“ Lífið Fjölmennt í framboðsteiti Arnars Þórs í Iðnó Lífið Brynja og Þórhallur kveðja Nýlendugötuna Lífið Trítaði sig og fékk sér Teslu: „Hvað ertu með í laun eiginlega?“ Lífið Álfa- og jólahúsið í Laugardalnum heyrir sögunni til Lífið „Það er einmanalegt að missa móður“ Lífið Stjörnulífið: Allt á útopnu í sólinni Lífið Fleiri fréttir „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Kaleo gefur út sitt fyrsta lag í þrjú ár Víkingur Heiðar á smáskrifborðstónleikum Æðisleg tilfinning að þurfa ekki að geðjast fólki Fögnuðu ekki bara plötunni með Júlí Heiðari heldur lífinu sjálfu „Fór langt fram úr mínum björtustu vonum“ Draumkennd framtíðarvitrun frá heitustu danssveit landsins Átján ára og stefna langt Súperstjörnur landsins fögnuðu með GDRN Hlustendaverðlaunin 2024: Þegar Sveppi og Ásgeir Orri mættu óvænt á sviðið Ítalski píanistinn Maurizio Pollini látinn Hlustendaverðlaunin 2024: Barnakór tók undir með XXX Rottweiler Níu bónorðsbréf til sömu konunnar innblásturinn að nýjustu plötunni Hlustendaverðlaunin 2024: Tónlistaratriðin sem slógu í gegn Myndaveisla: Margt um dýrðir á Hlustendaverðlaunum 2024 Sjá meira
Meðlimir Sigur Rósar eru þessa dagana að leggja lokahönd á undirbúning fyrir næstu tónleikaferð sveitarinnar um heiminn, þá fyrstu síðan 2012-2103 þegar sjöttu og sjöunda breiðskífum sveitarinnar, Valtara og Kveik, var fylgt eftir. Ferðalagið hefst í Barcelona snemma í næsta mánuði þar sem sveitin kemur fram á Primavera Sound tónlistarhátíðinni. Þaðan liggur leiðin á ýmsar tónlistarhátíðir í Evrópu næstu þrjá mánuði með stuttri viðkomu í Japan og Ástralíu. Haustið og fyrri hluti vetrar verður svo tileinkaður Kanada og Bandaríkjunum auk þess sem Sigur Rós spilar í Kína og Singapúr í nóvember.Nánari upplýsingar um tónleika sveitarinnar má finna á heimasíðu Sigur Rósar. Í fyrri tónleikaferðum um Evrópu hefur sveitin bæði spilað á tónlistarhátíðum og haldið eigin tónleika en í þetta sinn er eingöngu einblínt á tónlistarhátíðir að sögn Georgs Holm, bassaleikara sveitarinnar. „Við byrjum á því að þræða tónlistarhátíðir í Evrópu, bæði stórar og smáar, þekktar og minna þekktar. Þarna eru hátíðir sem við höfum spilað á áður en líka margar þar sem við komum fram í fyrsta sinn, t.d. nokkrar í Austur-Evrópu. Þetta verður nokkuð þétt dagskrá en um leið líka skemmtileg.“Persónulegri tónleikar Fyrirkomulagið verður annað í Bandaríkjunum og Kanada þar sem hljómsveitin mun einungis spila á eigin tónleikum. „Sú tónleikaröð verður persónulegri enda spilum við þar á aðeins minni stöðum. Sviðsmyndin verður þó sú sama og öllu tjaldað til. Tónleikagestir munu finna meiri nálægð og lagavalið verður aðeins öðruvísi, þar spilum við m.a. rólegri lög og höfum meira pláss fyrir smáatriðin.“ Eins og fyrr segir kemur sveitin fram í Kína og Singapúr síðar á árinu auk þess sem hún kemur fram á Fuji Rock Festival í Japan í sumar. „Viðtökurnar í Asíu hafa komið okkur skemmtilega á óvart. Við spiluðum á nokkrum tónleikum þar í síðustu stóru tónleikaferð okkar, t.d. í Taívan, Singapúr og Malasíu. Okkur finnst ekki óeðlilegt að spila fyrir framan 8-12.000 manns í Evrópu og Bandaríkjunum en þegar við mættum til Taívans og Singapúr var uppselt. Það kom okkur mjög á óvart hvað fólk þekkti tónlist okkar vel og það var óneitanlega sérstök tilfinning að spila fyrir 10.000 manns þar sem allir sungu með á íslensku.“Kemst upp í vana Það eru næstum tveir áratugir síðan fyrsta plata Sigur Rósar kom út og eftir útkomu Ágætis byrjunar árið 1999 hefur líf Georgs og félaga hans einkennst af löngum tónleikaferðum. Hann segir þetta brölt allt komast upp í vana og eftir því sem árin líði læri hann betur á slíkt líferni. „Í dag getur þetta þó stundum verið pínulítið strembið því nú er ég fjölskyldumaður. Fjölskyldur okkar reyna þó, eins og hægt er, að eyða tíma með okkur. Þar sem við spilum bara á tónlistarhátíðum í sumar myndast oft göt sem henta fjölskyldum okkar vel. Þegar við byrjum Evrópulegginn okkar í næsta mánuði í Barcelona ætlum við fjölskyldan að mæta nokkrum dögum fyrr og njóta samverunnar þar í borg. Næst er förinni heitið til Porto í Portúgal og þar verður sami hátturinn hafður á.“Georg Holm, ásamt félögum sínum í Sigur Rós, á sviði í Helsinki í lok síðustu stóru tónleikaferðar sveitarinnar 2013.MYND/DORIT SALUTSKIJNýtt efni að fæðast Félagarnir hafa ekki setið auðum höndum í vetur, frekar en fyrri daginn. „Við höfum verið að dunda okkur við að semja nýtt efni saman en líka unnið að öðrum verkefnum samhliða því. Jónsi hefur verið að vinna að eigin plötu og við Orri gerðum tónlist við heimildarmyndina The Show of Shows, í leikstjórn Benedikts Erlingssonar. Okkur fannst sú tónlist nógu góð til að vera gefin út á plötu og kom hún út fyrr á þessu ári.“ Síðasta plata Sigur Rósar, Kveikur, kom út árið 2013 og eru aðdáendur sveitarinnar orðnir óþreyjufullir eftir nýju efni. Georg segir þá félaga vissulega langa til að gefa út nýja plötu en engin dagsetning sé þó komin á hreint. „Nú þegar er eitt lag tilbúið sem gæti litið dagsins ljós fljótlega og verður þá hluti af henni. Það eru langar og stífar tónleikaferðir fram undan á árinu og því lítill tími til að klára nýju lögin eins hratt og við vildum.“Breyttar útsetningar Hluti nýju laganna mun þó heyrast á tónleikunum í ár. „Mikið af nýja efninu eru ókláraðar hugmyndir. Okkur langar í sumar að gera það sem við gerðum þegar við fylgdum Ágætis byrjun eftir á sínum tíma. Þá prófuðum við nýju lögin okkar, sem sum enduðu á svigaplötunni, á tónleikum áður en þau voru fullsamin. Við ætlum að gera þetta aftur í sumar og prófa nýja efnið þannig.“ Annað sem tónleikagestir munu heyra eru breyttar útsetningar á eldri lögum sveitarinnar. „Við höfum unnið að því undanfarna mánuði að endurútsetja gömlu lögin og gera þau spennandi fyrir okkur á ný. Þar sem við erum bara þrír á sviðinu höfum við líka þurft að hugsa sum lögin upp á nýtt, t.d. þegar kemur að píanópörtum laganna. Orri er reyndar orðinn jafnvígur á píanó og trommur og spilar stundum á bæði hljóðfærin á sama tíma.“Ennþá spennandi Eftir nær tvo áratugi er engan bilbug að finna á félögunum. „Við höfum komist að því að það skiptir engu máli hvað við erum gamlir eða hversu lengi við störfum saman; á meðan þetta er gaman þá höldum við áfram. Og þessa dagana er rosalega gaman og reyndar mun skemmtilegra en áður. Ég fann sömu stemninguna þegar við gerðum Kveik 2013, þá var sama spennan í loftinu og er til staðar í dag. Ég held að enginn okkar átti sig á því hvert við erum að stefna tónlistarlega séð núna en sú stefna er allavegana sérstök.“Skrúfur og Vogaídýfa Utan anna með hljómsveitinni tekur Georg lífinu með ró og sinnir fjölskyldunni. „Undanfarnar vikur hefur fjölskyldan t.d. að mestu leyti haldið sig uppi í sumarbústað. Þar eyðum við löngum stundum úti á bát við veiðar sem mér finnst eiginlega besti staður í heimi til að vera á.“ Meðal annarra áhugamála nefnir hann mótorhjól en þeim áhuga deilir hann með öðrum hljómsveitarmeðlimum. „Svo er ég forfallinn fótboltaáhugamaður og vil helst ekki missa af leik. Mér finnst mest svekkjandi þessa dagana að komast ekki á leik með íslenska landsliðinu á EM í Frakklandi en við erum held ég að spila alla leikdagana.“ Lokakeppni Eurovision fer fram í kvöld og víst að stór hluti þjóðarinnar muni fylgjast með. Georg er ekki mikill áhugamaður um tónlistina sjálfa þótt keppnin sem slík sé áhugaverð og stundum skemmtileg. „Þetta er svona fjölskyldustund þegar pítsa er pöntuð, fylgst er með stigagjöfinni og skrúfur og Vogaídýfa er á borðum. Á það ekki einmitt að vera svoleiðis?“
Tónlist Mest lesið „Spurði hversu mörgum stelpum hann væri búinn að senda þessa línu“ Makamál Hugsar oft til fyrstu ástarinnar vegna ástandsins í Íran Lífið Gallstasi á meðgöngu: „Ég grátbað um að ég yrði sett af stað“ Áskorun Þórdís Lóa um Júró-umfjöllun: „Hvers vegna þessi þögn?“ Lífið Fjölmennt í framboðsteiti Arnars Þórs í Iðnó Lífið Brynja og Þórhallur kveðja Nýlendugötuna Lífið Trítaði sig og fékk sér Teslu: „Hvað ertu með í laun eiginlega?“ Lífið Álfa- og jólahúsið í Laugardalnum heyrir sögunni til Lífið „Það er einmanalegt að missa móður“ Lífið Stjörnulífið: Allt á útopnu í sólinni Lífið Fleiri fréttir „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Kaleo gefur út sitt fyrsta lag í þrjú ár Víkingur Heiðar á smáskrifborðstónleikum Æðisleg tilfinning að þurfa ekki að geðjast fólki Fögnuðu ekki bara plötunni með Júlí Heiðari heldur lífinu sjálfu „Fór langt fram úr mínum björtustu vonum“ Draumkennd framtíðarvitrun frá heitustu danssveit landsins Átján ára og stefna langt Súperstjörnur landsins fögnuðu með GDRN Hlustendaverðlaunin 2024: Þegar Sveppi og Ásgeir Orri mættu óvænt á sviðið Ítalski píanistinn Maurizio Pollini látinn Hlustendaverðlaunin 2024: Barnakór tók undir með XXX Rottweiler Níu bónorðsbréf til sömu konunnar innblásturinn að nýjustu plötunni Hlustendaverðlaunin 2024: Tónlistaratriðin sem slógu í gegn Myndaveisla: Margt um dýrðir á Hlustendaverðlaunum 2024 Sjá meira