Króatískur miðvörður á leið í Víkina

Króatinn Marko Perkovic er á leið til Víkings R. Vefsíðan 433.is greinir frá.

Perkovic er 24 ára gamall miðvörður sem lék síðast með NK Norsko í Slóveníu. Hann hefur einnig leikið í heimalandinu og með KM Torhout í Belgíu.

Víkingar eru í 7. sæti Pepsi-deildarinnar með 15 stig eftir fyrri umferðina. Þeir unnu Þrótt 2-0 í síðasta leik sínum.

Varnarleikur Víkings hefur verið góður í sumar en liðið hefur aðeins fengið á sig 12 mörk í 11 leikjum. Perkovic er ætlað að styrkja Víkingsvörnina enn frekar.

Víkingur tekur á móti KR í næsta leik sínum á sunnudaginn.