Lífið

Tinna tjaldaði öllu til fyrir afmælisveisluna

Nanna Elísa Jakobsdóttir skrifar
Hér má sjá Tinnu og Ísabellu í góðum gír í veislunni.
Hér má sjá Tinnu og Ísabellu í góðum gír í veislunni. Vísir/Tinna
Tinna Alavis, lífstílsbloggari og fagurkeri, hélt hreint út sagt ótrúlega afmælisveislu fyrir Ísabellu dóttur sína sem varð tveggja ára gömul í apríl. Öllu var tjaldað til eins og sjá má á meðfylgjandi myndum. Tinna skrifaði um viðburðinn á vefsíðu sinni alavis.is en færsluna má nálgast hér.

Veisluborðin voru tvö og svignuðu þau bæði undan kræsingum.Vísir/Tinna
„Mér finnst sérstaklega gaman að halda veislur og finnst fátt skemmtilegra en þegar öll fjölskyldan kemur saman og á eftirminnilegan dag,“ segir Tinna. Hún býr ásamt manni sínum Unnari Bergþórssyni í fallegri íbúð og var hún sérstaklega skreytt í litaþemanu fjólubláu, bleiku, hvítu og silfruðu í tilefni af afmælinu.



Hvernig gekk undirbúningurinn fyrir veisluna? Var þetta ekki tímafrekt?
 



„Undirbúningurinn gekk vel en ég fékk mikla aðstoð frá fjölskyldunni. Þetta tók ekki svo langan tíma,“ segir Tinna en hún er þaulvön í eldhúsinu þar sem hún heldur úti girnilegu matarbloggi.



Hún pantaði líka veitingar hjá veislu og framleiðsluþjónustunni Þrjár á priki til þess að fara með heimagerðum veitingum. Veisluþjónustan var einn samstarfsaðila að afmælisveislunni, eða færslunni á síðunni, auk sjö annarra fyrirtækja eins og Tinna greinir frá í færslu sinni. 





Boðskortin voru krúttleg.Vísir/Tinna
„Það sem mér finnst best að gera er að fá hugmyndir á Pinterest svona tveimur mánuðum fyrir afmælið og ákveða þema. Þá er hægt að hafa augun opin fyrir veitingum og skreytingum með góðum fyrirvara.



Mér finnst best að baka allar kökur tímanlega og frysta þær. Þá lendir maður síður í tímaþröng rétt fyrir afmælið,“ segir Tinna aðspurð um hvort hún hafi einhverjar góðar ráðleggingar fyrir mömmur og pabba sem eru að skipuleggja afmælisveislur fyrir börnin sín. 

Litaþemað var fjólublátt, bleikt, hvítt og silfur.Vísir/Tinna
Hvað var svo þinn uppáhalds partur við veisluna? 



„Uppáhalds parturinn minn var þegar allir sungu afmælissönginn hástöfum. Ísabella mín ljómaði öll í andlitinu og klappaði svo mest sjálf þegar söngnum var lokið.“ 



Tinna, sem hefur verið með blogg í fjölda ára, segir það algjör forréttindi að vera mamma og að það sé skemmtilegasta hlutverk í heimi. 

Takið eftir kökupinnunum sem eru sérstaklega vel heppnaðir og alltaf vinsælir í veislum að sögn Tinnu.Vísir/Tinna
  





Ísabella er ofurdúlla sem naut afmælisins síns í botn eins og sjá má.Vísir/Tinna

Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.