Ekkert tilboð frá Kína í Rooney

Samkvæmt fréttavef Sky Sports hefur ekkert tilboð borist Manchester United í fyrirliðann Wayne Rooney frá Kína, líkt og haldið var fram í götublaðinu The Mirror í morgun.

The Mirror staðhæfði að félagið hefði lagt fram 27 milljóna punda tilboð í Rooney sem á enn tvö ár eftir af samningi sínum við United. Það væri enn fremur reiðubúið að greiða Rooney hálfa milljón punda í viku í þrjú ár - jafnvirði 92 milljónir króna.

Samtals var andvirði samningsins vera um 100 milljónir punda eða rúma átján milljarða króna.

Sjá einnig: Fréttaskýring: Það kvað vera fallegt í Kína

Þess má geta að Obafemi Martins er nýgenginn til liðs við Shanghai Shenhua en liðið er einnig með Demba Ba, sem og Kólumbíumennina Fredy Guarin og Giovanni Moreno.