Vildi geta varið meiri tíma á Íslandi Stefán Þór Hjartarson skrifar 12. maí 2016 09:00 Bryan Ferry mun vafalaust heilla fólk upp úr skónum í Hörpu með sínum annálaða sjarma. Mynd/Getty Tónlistarmaðurinn goðsagnakenndi Bryan Ferry spilar á tónleikum í Hörpu 16. maí og er þetta í annað sinn sem söngvarinn kemur til landsins en hann spilaði á tveimur tónleikum í Hörpu árið 2012. Bryan Ferry þarf vart að kynna en hann hefur dáleitt fólk með seiðandi söngrödd sinni síðan á áttunda áratugnum bæði með hljómsveitinni Roxy Music og sem sóló tónlistarmaður.Þetta er í annað sinn sem þú kemur til Íslands, muntu spila svipað sett og síðast eða verða margar breytingar á því í þetta sinn? „Ég myndi segja að settið sé fremur breytt í þetta sinn. Ég er kominn með nánast alveg nýtt band og hef því valið lög til að spila sem henta uppstillingunni á þessari nýju hljómsveit. Við erum með tvo gítarleikara, saxófónleikara og fiðluleikara þannig að það er óhætt að segja að við verðum með mjög fjölbreyttan hljóm sem getur náð utan um breitt úrval af efni.“Munið þið aðallega spila efni af nýjustu plötunni þinni eða verða þetta lög frá Roxy Music tímabilinu og eldra sólóefninu þínu? „Ég mun spila eitt eða tvö lög af nýjustu plötu minni, Avonmore, og afgangurinn af tónleikunum mun allur fara í að spila lög af bæði Roxy Music efnisskránni og sólóplötunum mínum.“Þú ert þekktur fyrir að vera ávallt með flottar ljósasýningar, myndbönd, dansara og annað sem hluta af tónleikaupplifuninni og munt mæta til landsins með stærðarinnar hóp af fólki til að sjá um að gefa áhorfendum bæði sjónræna upplifun sem og hljóðræna - getur þú sagt okkur meira um þennan hóp og hvað það er sem við megum búist við hvað sjónrænu hliðina varðar? „Það eru tíu einstaklingar í hljómsveitinni minni, þannig að það er heilmikið um að vera tónlistarlega séð. Hins vegar er ekki lítið pláss fyrir sjónræna afþreyingu í þetta sinn. Þó má minnast á að við verðum með ljósasýningu sem virkar afar vel með tónlistinni og hefur fengið glæsilega umfjöllun núna upp á síðkastið.“Gefst þér tækifæri til að skoða þig um á Íslandi á meðan á heimsókn þinni stendur eða gerðir þú það þegar þú heimsóttir landið síðast? „Ég vildi að ég gæti eytt meiri tíma á Íslandi í að skoða landið en því miður næ ég því ekki verandi á miðju tónleikaferðalagi – ég þarf að koma mér á brott og á næsta áfangastað. Hins vegar væri ákaflega gaman að koma einhvern tímann aftur og skella sér í veiðitúr.“Hefur þú hlustað eitthvað á íslenska tónlist eða heyrt eitthvað um íslenska tónlistarmenn? „Ég næ einu kvöldi í fríi í Reykjavík og mun vonandi ná að líta aðeins út á lífið. Hver veit nema ég skelli mér á tónleika hjá íslenskum tónlistarmönnum það kvöldið.“ Eins og áður sagði mun Bryan Ferry spila í Eldborgarsal Hörpunnar þann 16. maí klukkan 20.00. Miðasala er í fullum gangi og verð er á bilinu 8.990 til 16.990 krónur.Fréttin birtist fyrst í Fréttablaðinu 12. maí. Tónlist Mest lesið „Kveiktum næstum í öllu sumarbústaðalandinu“ Lífið Óstundvísi Steina sögð kosta tugi milljóna dollara Lífið Sagan á bak við djarft listaverk Ásdísar Ránar Lífið Eltihrellirinn í Baby Reindeer íhugar að leita réttar síns Bíó og sjónvarp Gerða og glæsilegar gellur á Edition Lífið Bitcoin fjárfestar gerðu sér glaðan dag í Grósku Lífið Disneydraumurinn varð loks að veruleika Lífið Halda samstöðutónleika á sama tíma og Ísland keppir í Eurovision Lífið Gæsahúð og allur tilfinningaskalinn á forsýningu Mari Bíó og sjónvarp Swing og hópkynlíf fyrir byrjendur! Lífið Fleiri fréttir „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira
Tónlistarmaðurinn goðsagnakenndi Bryan Ferry spilar á tónleikum í Hörpu 16. maí og er þetta í annað sinn sem söngvarinn kemur til landsins en hann spilaði á tveimur tónleikum í Hörpu árið 2012. Bryan Ferry þarf vart að kynna en hann hefur dáleitt fólk með seiðandi söngrödd sinni síðan á áttunda áratugnum bæði með hljómsveitinni Roxy Music og sem sóló tónlistarmaður.Þetta er í annað sinn sem þú kemur til Íslands, muntu spila svipað sett og síðast eða verða margar breytingar á því í þetta sinn? „Ég myndi segja að settið sé fremur breytt í þetta sinn. Ég er kominn með nánast alveg nýtt band og hef því valið lög til að spila sem henta uppstillingunni á þessari nýju hljómsveit. Við erum með tvo gítarleikara, saxófónleikara og fiðluleikara þannig að það er óhætt að segja að við verðum með mjög fjölbreyttan hljóm sem getur náð utan um breitt úrval af efni.“Munið þið aðallega spila efni af nýjustu plötunni þinni eða verða þetta lög frá Roxy Music tímabilinu og eldra sólóefninu þínu? „Ég mun spila eitt eða tvö lög af nýjustu plötu minni, Avonmore, og afgangurinn af tónleikunum mun allur fara í að spila lög af bæði Roxy Music efnisskránni og sólóplötunum mínum.“Þú ert þekktur fyrir að vera ávallt með flottar ljósasýningar, myndbönd, dansara og annað sem hluta af tónleikaupplifuninni og munt mæta til landsins með stærðarinnar hóp af fólki til að sjá um að gefa áhorfendum bæði sjónræna upplifun sem og hljóðræna - getur þú sagt okkur meira um þennan hóp og hvað það er sem við megum búist við hvað sjónrænu hliðina varðar? „Það eru tíu einstaklingar í hljómsveitinni minni, þannig að það er heilmikið um að vera tónlistarlega séð. Hins vegar er ekki lítið pláss fyrir sjónræna afþreyingu í þetta sinn. Þó má minnast á að við verðum með ljósasýningu sem virkar afar vel með tónlistinni og hefur fengið glæsilega umfjöllun núna upp á síðkastið.“Gefst þér tækifæri til að skoða þig um á Íslandi á meðan á heimsókn þinni stendur eða gerðir þú það þegar þú heimsóttir landið síðast? „Ég vildi að ég gæti eytt meiri tíma á Íslandi í að skoða landið en því miður næ ég því ekki verandi á miðju tónleikaferðalagi – ég þarf að koma mér á brott og á næsta áfangastað. Hins vegar væri ákaflega gaman að koma einhvern tímann aftur og skella sér í veiðitúr.“Hefur þú hlustað eitthvað á íslenska tónlist eða heyrt eitthvað um íslenska tónlistarmenn? „Ég næ einu kvöldi í fríi í Reykjavík og mun vonandi ná að líta aðeins út á lífið. Hver veit nema ég skelli mér á tónleika hjá íslenskum tónlistarmönnum það kvöldið.“ Eins og áður sagði mun Bryan Ferry spila í Eldborgarsal Hörpunnar þann 16. maí klukkan 20.00. Miðasala er í fullum gangi og verð er á bilinu 8.990 til 16.990 krónur.Fréttin birtist fyrst í Fréttablaðinu 12. maí.
Tónlist Mest lesið „Kveiktum næstum í öllu sumarbústaðalandinu“ Lífið Óstundvísi Steina sögð kosta tugi milljóna dollara Lífið Sagan á bak við djarft listaverk Ásdísar Ránar Lífið Eltihrellirinn í Baby Reindeer íhugar að leita réttar síns Bíó og sjónvarp Gerða og glæsilegar gellur á Edition Lífið Bitcoin fjárfestar gerðu sér glaðan dag í Grósku Lífið Disneydraumurinn varð loks að veruleika Lífið Halda samstöðutónleika á sama tíma og Ísland keppir í Eurovision Lífið Gæsahúð og allur tilfinningaskalinn á forsýningu Mari Bíó og sjónvarp Swing og hópkynlíf fyrir byrjendur! Lífið Fleiri fréttir „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira