Hærri frístundastyrkur á Akureyri

Íþróttaráð Akureyrarbæjar samþykkti á fundi sínum fyrir áramót að hækka frístundastyrk ungmenna í bænum til íþrótta– og tómstundastarfs í 12.000 krónur eða um 20% frá og með 1. janúar 2015.

Þetta kemur fram í tilkynningu frá Akureyrarbæ. Einnig var ákveðið að hækka aldursviðmið um fjögur ár og þýðir það að frístundastyrkurinn mun nú gilda fyrir öll börn á aldrinum 6–17 ára.

Sérstakur frístundastyrkur hefur verið greiddur fyrir börn á aldrinum 6–11 ára á Akureyri frá árinu 2006. Styrkurinn hefur frá upphafi verið 10.000 kr. og gilt fyrir börn á aldrinum 6–11 ára en aldursviðmiðið var hækkað í 13 ára í byrjun árs 2013. Nú hefur styrkurinn hækkað um 20% og nær til allra 6–17 ára barna á Akureyri.