Styttingin gæti haft alvarlegar afleiðingar

sveinn arnarsson skrifar 29. apríl 2015 07:30

Háskóli Íslands. Veturinn 2018-2019 gætu tvöfalt fleiri stúdentar sótt um nám en áður og þurfa skólarnir að geta tekið við stórum árgangi. fréttablaðið/ernir

Breytingar á námi í menntaskólum landsins fela í sér að tveir árgangar útskrifast frá menntaskólunum á árinu 2018. Stytta á nám til stúdentsprófs um eitt ár og munu stúdentar ljúka prófi á þremur árum í stað fjögurra. Prófessor í félagsfræði telur breytingarnar varhugaverðar og geta skert lífsskilyrði einstaklinga í þessum árgöngum.

Innritunarárgangurinn í íslenska háskóla veturinn 2018 til 2019 verður því að öllum líkindum tvöfalt stærri en venjulega og þeir sem sækja á vinnumarkaðinn sömuleiðis tvöfalt fleiri en venjulega.

Jón Atli Benediktsson, nýkjörinn rektor Háskóla Íslands, segir það vandasamt verkefni að taka vel á móti öllum þessum nýnemum í einu: „Það er fyrst og fremst ákvörðun ráðuneytisins að endurskipuleggja nám til stúdentsprófs og verið er að hefja undirbúning þess að taka á móti öllum þessum nemum,“ segir Jón Atli. „Hér er um að ræða útgjaldaauka fyrir háskólann sem við gerum ráð fyrir að fá bættan frá ríkinu og það þarf meira rými til að taka á móti fleiri nemendum. Samráð verður haft við ráðuneytið og stjórnendur framhaldsskólanna um málið.“

Þóroddur Bjarnason, prófessor í félagsfræði við Háskólann á Akureyri, segir þessar breytingar geta haft alvarlegri afleiðingar en sjást í fyrstu og háskólarnir standi frammi fyrir erfiðu verkefni.

„Háskóladeildir sem beita fjöldatakmörkunum geta ekki tvöfaldað fjölda nýnema. Því gætu helmingi færri nemendur í þessum árgöngum farið í læknisfræði svo dæmi sé tekið. Í öðrum námsgreinum gætu helmingi færri nemar nýtt sér tækifæri á borð við rannsóknarvinnu undir handleiðslu háskólakennara, tvöfalt fleiri verða um þau störf sem bjóðast nýútskrifuðum háskólamönnum og þar fram eftir götunum,“ segir Þóroddur.

Eyjólfur Guðmundsson, rektor Háskólans á Akureyri, segist ekki líta á þetta sem vandamál enn sem komið er. „Við höfum verið að skoða þetta frá því í júlí á síðasta ári og munum halda áfram. Það er ekki gefið að allur þessi fjöldi komi inn í háskólana um leið og þeir útskrifast úr menntaskóla svo við þurfum bara að bíða og meta þörfina þegar nær dregur,“ segir Eyjólfur.

Gæti skapað félagsleg vandamál

Hlutfallslega stórir árgangar hafa verið rannsakaðir innan félagsfræðinnar og búa einstaklingar í slíkum árgöngum við erfiðari stöðu en aðrir minni árgangar. Benda skal á að árgangar sem eru tvöfalt stærri en aðrir hafa ekki verið rannsakaðir með þessum hætti. Einstaklingar í stórum árgöngum eru: