Undirrituðu viljayfirlýsingu um íbúðir fyrir eldri borgara

Dagur B. Eggertsson borgarstjóri og Þórunn Sveinsbjörnsdóttir, formaður félags eldri borgara, undirrituðu viljayfirlýsingu í frístunda- og félagsmiðstöðinni í Árskógum þann 22. apríl þar sem Reykjavíkurborg lýsir yfir vilja til að úthluta lóð til Félags eldri borgara með byggingarrétti fyrir fjölbýlishús með allt að 50 íbúðum fyrir eldri borgara við Árskóga nr. 1-3 í Suður Mjódd.

Ákveðið er að breyta nokkuð gildandi deiliskipulagi lóða við Árskóga og tengigangi að þjónustumiðstöð við Skógarbæ. Reykjavíkurborg skuldbindur sig ekki til að kosta gerð tengigangsins.