Mótmæla uppsögnum fatlaðra

Hafnarfjarðar gagnrýnir uppsagnir Strætó bs. á fötluðum starfsmönnum sínum rétt fyrir áramót og beinir því til stjórnar byggðasamlagsins að endurskoða starfsmannastefnu fyrirtækisins. Þetta segir í ályktun bæjarstjórnar sem samþykkt var samhljóða á bæjarstjórnarfundi í gær.

„Í ljósi frétta af uppsögnum starfsmanna Strætó við yfirfærslu akstursþjónustu fatlaðs fólks áréttar bæjarstjórn Hafnarfjarðar mikilvægi þess að hæfileikar allra séu virkjaðir og réttur allra til virkrar þátttöku í samfélaginu sé tryggður,“ segir í ályktun bæjarstjórnar.

Fatlaðir einstaklingar höfðu unnið lengi við Ferðaþjónustu fatlaðra í hlutastörfum en var sagt upp á þeim kjörum og boðið fullt starf. Hins vegar gat enginn fyrrverandi starfsmanna tekið við fullu starfi sökum fötlunar sinnar.

Segir í ályktuninni að tryggja verði ákvæði Sameinuðu þjóðanna um að réttindi fatlaðs fólks sé uppfyllt.