Óvægnar skopmyndir eru ekki nýmæli

Árið 1941 teiknaði David Low þessa mynd af Winston Churchill forsætisráðherra, sem tókst að fá allan þingheim með sér í stríðið.

Bandarískur lögregluþjónn sem skemmtir sér hið besta við skotbakkann í tívolíinu á forsíðu tímaritsins The New Yorker árið 1999. 

„Kissinger riðlast á heiminum“ er heiti þessarar skopmyndar, sem David Levine teiknaði árið 1984.

Hinn fullkomni hermaður loksins fundinn. Bandarísk skopmynd frá árum fyrri heimsstyrjaldarinnar, teiknuð af Robert Minor.

Dauðadansinn. Þýskaland dansar þarna tangó við Evrópu. Myndina teiknaði hinn hollenski Louis Raemaekers árið 1916. 

Ein þekktasta skopmynd sögunnar er af Charles Darwin frá árinu 1871, en lengi vel var óspart grín gert að honum fyrir að láta sér detta í hug að maðurinn ætti sér þróunarsögu frekar en að hafa stokkið alskapaður inn á sjónarsviðið.

Leiðtogar nasismans og Sovétríkjanna bugta sig hvor fyrir öðrum, en Hitler segir: „Úrhrak jarðar, geri ég ráð fyrir?“ og Stalín svarar: „Hinn blóði drifni morðingi verkalýðsins, býst ég við?“ Breski teiknarinn David Low teiknaði myndina árið 1939.