Innlent

Fíkniefnin í Norrænu: Hollenska parið áfram í einangrun á Litla-Hrauni

Sunna Kristín Hilmarsdóttir skrifar
Parið situr í gæsluvarðhaldi á Litla-Hrauni.
Parið situr í gæsluvarðhaldi á Litla-Hrauni. vísír/stefán
Héraðsdómur Reykjaness úrskurðaði í dag hollenska parið sem grunað er um að smygla um 80 kílóum af MDMA hingað til lands fyrir rúmum tveimur vikum í áframhaldandi gæsluvarðhald næstu tvær vikurnar.

Maðurinn og konan, sem eru á fertugsaldri, hefur verið í einangrun á Litla-Hrauni seinustu tvær vikur og mun vera það áfram samkvæmt úrskurðinum en farið var fram á fjögurra vikna gæsluvarðhald yfir parinu. Ekki liggur fyrir hvort að úrskurðinum verði áfrýjað en verjandi konunnar áfrýjaði fyrri gæsluvarðhaldsúrskurðinum.

Parið kom hingað til lands með Norrænu og fundust efnin falin í bíl sem þau voru á. Efnin voru meðal annars í niðursuðudósum, varadekki bifreiðarinnar og tveimur gaskútum. Þá hefur verið greint frá því að maðurinn hafi játað að hafa vitað um efnin en segir að kona sín hafi ekki vitað af þeim.


Tengdar fréttir




Fleiri fréttir

Sjá meira


×