Fréttir Stöðvar 2 í kvöld: Churchill heimsækir Reykjavík árið 1941

David Cameron, forsætisráðherra Bretlands, kemur til Reykjavíkur síðdegis í dag til fundar við forsætisráðherra Norðurlandanna og Eystrasaltsríkjanna. Þetta er í fyrsta sinn sem breskur forsætisráðherra kemur í formlega heimsókn til Reykjavíkur frá árinu 1941, þegar Winston Churchill heimsótti borgina á tímum hersetu Breta.

Árin 1960 og 1964 millilentu Harold MacMillan og Sir Alec Douglas-Home á Keflavíkurflugvelli og ræddu stuttlega við forsætisráðherra þess tíma hér á landi, Ólaf Thors og Bjarna Benediktsson, en stoppuðu stutt við og höfðu enga viðkomu í borginni.

Í fréttum Stöðvar 2 klukkan 18.30 í kvöld verða sýndar lifandi myndir frá heimsókn Churchills til Reykjavíkur árið 1941.