Dagný á ný með Selfossi í kvöld

Landsliðskonan Dagný Brynjarsdóttir er komin með leikheimild með Selfossi og spilar sinn fyrsta leik í kvöld þegar Selfossliðið fær ÍBV í heimsókn í Suðurlandsslag Pepsi-deildar kvenna í fótbolta.

Síðasti sigurleikur Selfoss með Dagnýju í fyrrasumar var einnig á móti ÍBV en hún lék þá aðeins fyrstu 11 leiki liðsins.

Leikurinn hefst klukkan 18.00 en klukkan 18.15 tekur Fylkir á móti Íslandsmeisturum Stjörnunnar í uppgjöri liða sem unnu bæði leiki sína í fyrstu umferðinni.

Hinir leikir kvöldsins eru Þróttur-Þór/KA (18.00), Afturelding-Breiðablik og KR-Valur (allir klukkan 19.15). Breiðablik er á toppnum eftir 5-0 sigur á Þrótti í fyrsta leik og Valur vann á sama tíma 3-0 sigur á Aftureldingu.