Haldið sofandi í öndunarvél

Konunni, sem fannst í Reykjavíkurhöfn á sunnudaginn fyrir viku, er enn haldið sofandi í öndunarvél á gjörgæsludeild Landspítalans.

Konunni var bjargað úr sjónum um fimmleytið síðdegis á sunnudag fyrir viku eftir að lögreglu barst tilkynning um að bíl hefði verið ekið í höfnina. Talið er að konan hafi verið allt að hálftíma í sjónum.

Í kjölfarið hófst leit lögreglu, slökkviliðs og kafara í höfninni til þess að ganga úr skugga um að ekki hefðu verið fleiri í bílnum. Konan reyndist hafa verið ein í bílnum.

Sjónarvottar sögðu skott bílsins hafa verið opið þegar bíllinn fór fram af brúninni.