Ekið á gangandi vegfarenda

Ekið var á konu um fimmtugt í nótt á gatnamótum Hamrahlíðar og Kringlumýrarbrautar. Konan var flutt á slysadeild með áverka í andliti og brotnar tennur og meiddist hún einnig á fæti. Þetta kemur fram í dagbók lögreglunnar.

Þar segir einnig að lögreglan hafi komið að þremur líkamsárásum í miðborginni nótt. Fyrst var stúlku hrint niður stiga á krá á Hverfisgötu. Hún var þó farin þegar lögregluþjónar komu á vettvang.

Ráðist var á karlmann á skemmtistað við Austurvöll. Árásarmaðurinn var farinn þegar lögreglu og sjúkralið bar að, en vitað er hver hann er. Fórnarlambið var ekki flutt með sjúkrabifreið og ætlaði að koma sér sjálfur á slysadeild.

Þá varð rúmlega tvítug kona fyrir líkamsárás á krá við Bankastræti, þar sem fyrrverandi kærasti hennar réðst á hana.