Áætlað að Árni fái 5,6 milljónir vegna innleiðingar rafrænna skilríkja Birgir Olgeirsson skrifar 13. janúar 2015 16:00 Árni Sigfússon, stjórnsýslufræðingur og fyrrverandi bæjarstjóri Reykjanesbæjar, var valinn verkefnastjóri vegna innleiðingar rafrænna skilríkja til að fylgja eftir sameiginlegri yfirlýsingu fjármála- og efnahagsráðuneytisins og Samtaka fjármálafyrirtækja um að stuðla að útbreiðslu og notkun rafrænna skilríkja Vísir/Gunnar Áætlað kostnaður vegna verktöku Árna Sigfússonar, stjórnsýslufræðings og fyrrverandi bæjarstjóra Reykjanesbæjar, við innleiðingu rafrænna skilríkja er 5,6 milljónir króna. Þetta kemur fram í svari Bjarna Benediktssonar, fjármála- og efnahagsráðgjafa, við fyrirspurn Svandísar Svavarsdóttur, þingmanns Vinstri grænna. Síðastliðið haust var skipuð verkefnisstjórn um innleiðingu rafrænna skilríkja til að fylgja eftir sameiginlegri yfirlýsingu fjármála- og efnahagsráðuneytisins og Samtaka fjármálafyrirtækja um að stuðla að útbreiðslu og notkun rafrænna skilríkja en í þessa stjórn völdust fulltrúar úr fjármála- og efnahagsráðuneytinu, Samtökum fjármálafyrirtækja og ríkisskattstjóra. Samkvæmt svari Bjarna er kostnaðurinn sem fellur til vegna verkefnisstjórnarinnar greiddur sameiginlega af ríkin og Samtökum fjármálafyrirtækja og tók hann fram að verkefnisstjórnin tengist ekki aðgerð stjórnvalda til að lækka höfuðstól verðtryggðra fasteignaveðlána.Svandís spurði Bjarna um kostnað vegna innleiðingar rafrænna skilríkjaVísir/Gunnar/VilhelmFéll ekki undir auglýsingaskyldu Svandís spurði hvernig staðið var að vali Árna sem verkefnisstjóra vegna rafrænna skilríkja. „Á hvaða forsendum fór valið fram, hver var reynsla þess er starfið hreppti af því að stýra sambærilegum verkefnum og hvernig var hún metin? Var starfið auglýst, hve miklar eru heildargreiðslur vegna starfsins að meðtöldum kostnaði vegna aksturs, síma, tölvu og annars er starfinu tengist,“ spurði Svandís. Í svari Bjarna kemur fram að verkefnisstjórnin mat Árna hæfan til að sinna starfi verkefnisstjóra. Þá segir Bjarni umrætt verkefni hafa verið unnið í verktöku og telst því ekki starf í skilningi laga um réttindi starfsmanna ríkisins, og fellur því ekki undir auglýsingaskyldu, að því er fram kemur í svari Bjarna sem segir áætlaðan heildarkostnað vegna Árna 5,6 milljónir króna. Þá spurði Svandis hver rökin séu fyrir því að allir verði að notast við tilteknar gerðir rafrænna skilríkja til að eiga kost á svokallaðri skuldaleiðréttingu, það er niðurfærslu á veðskuldum vegna fasteignalána, þegar fyrir liggur að einstaklingum sé heimilt að nota margvísleg önnur skilríki til að sanna á sér deili, svo sem ökuskírteini, íslykla, vegabréf og greiðslukort. Í svari Bjarna kemur fram að ákveðið var að hafa allt ferlið vegna aðgerðinnar rafrænt. Það hafi verið ákveðið með hliðsjón af fjölda umsækjenda og í tak við nútímastjórnsýslu. Samkvæmt reglugerð um samræmt verklag og viðmið við leiðréttingu verðtryggðra fasteignaveðlána þurfa umsækjendur að samþykkja niðurstöðu útreiknings á höfuðstólslækkun íbúðalána með rafrænni undirritun. „Rafræn skilríki eru einu skilríkin sem gefa möguleika fullgildrar rafrænnar undirritunar,“ segir í svari Bjarna.vísir/hörðurRúmar 190 milljónir frá 2007 Svandis spurði hvað þessi allsherjarinnleiðing rafrænna skilríkja kostar en Bjarni segir þessa innleiðingu hafa staðið yfir frá árinu 2008 en undirbúningurinn hófst nokkuð fyrr. „Frá árinu 2008 hafa rafræn skilríki verið gefin út til einstaklinga í samstarfi ríkis og einkaaðila. Heildarkostnaður verkefnisins liggur hjá mörgum aðilum, einkum fjármálafyrirtækjum, en fjármála- og efnahagsráðuneytið hefur ekki borið kostnað af útgáfu rafrænna skilríkja til einstaklinga,“ segir Bjarni en kostnaður ríkissjóðs, sem hefur fallið til í ráðuneytinu vegna verkefnisins, nemur 191,5 milljónum króna frá árinu 2007. Samkvæmt Bjarna hefur árlegur kostnaður verið að meðaltali 23 milljónir króna, nema árið 2007 þegar hann var 50,8 milljónir króna og árið 2008 þegar kostnaðurinn var 38,4 milljónir króna. Segir Bjarni að stærsti hluti þessarar upphæðar sé vegna árlegs framlags vegna samstarfssamnings við Auðkenni hf. um almenna notkun rafrænna skilríkja. „Framlag ríkissjóðs til samstarfsverkefnisins er 10 millj. kr. á ári sem tekur breytingum í samræmi við vísitölu neysluverðs. Greiðslan er fyrir hýsingu og rekstur Íslandsrótar, milliskilríkja og notendaleyfa persónutengdra endaskilríkja, auk framleiðslu og aðgengis að afturköllunarlistum (CRL) og svokallaðri OCSP-þjónustu. Frá árinu 2008 hafa greiðslur vegna þessa numið alls 107,4 millj. kr., auk 30 millj. kr. stofnframlags árið 2007. Annar kostnaður er vegna hugbúnaðargerðar og sérfræðiþjónustu. Í framantöldum kostnaði er tekið tillit til 35,6 millj. kr. framlags vegna STORK-verkefnisins sem hefur það að markmiði að gera Evrópu að einu rafrænu innskráningar- og auðkenningarsvæði,“ segir í svari Bjarna. Þá var kostnaðurinn við kynningu og auglýsingar vegna rafrænna skilríkja í tengslum við svokallaða skuldaleiðréttingu 560 þúsund krónur en að auki hefur verið vakin athygli á rafrænum skilríkjum í almennum auglýsingum um höfuðstólslækkun verðtryggðra fasteignaveðlána. Þá spurði Svandís hvort þessi auglýsinga- og kynningarstarfsemi hefði verið boðin út og hvaða aðili hefði annast auglýsinga- og kynningarstarfsemina. Þá vildi hún einnig vita hvað réði vali á viðkomandi en í svari Bjarna kemur fram að starfsemin var ekki boðin út heldur hefði embætti ríkisskattstjóra annast þau mál sem framkvæmdaraðili höfuðstólslækkunar verðtryggðra íbúðalána. Mest lesið Forsetavaktin: Sjöundi forseti lýðveldisins verður kjörinn Innlent Bein útsending: Kosningasjónvarp Stöðvar 2 Innlent Mætti á kjörstað en fékk þau svör að hún væri búin að kjósa Innlent Jón Gnarr mjög bjartsýnn: „Fyrsti krúnurakaði rauðhærði forsetinn“ Innlent „Galið! Kosningar eru greinilega ekki fyrir öll!“ Innlent Tívolíbomba hefði getað skapað stórhættu Innlent „Unga fólkið er klárlega að velja okkar framboð“ Innlent Beið í klukkustund eftir að fá að kjósa Innlent „Við höfum ekki séð þetta á Íslandi áður“ Innlent Ólík sýn á hvort Ísland eigi að styðja vörn Úkraínumanna Innlent Fleiri fréttir Fyrstu tölur úr Norðausturkjördæmi: Halla Tómasdóttir efst Halla Hrund: „Þetta ferðalag mun binda okkur saman út ævina“ Bein útsending: Kosningasjónvarp Stöðvar 2 Alls konar dýnamík geti komið inn við myndun tveggja turna Beið í klukkustund eftir að fá að kjósa „Galið! Kosningar eru greinilega ekki fyrir öll!“ Mætti á kjörstað en fékk þau svör að hún væri búin að kjósa Ráðinn slökkviliðsstjóri á Suðurnesjum Skipuð í embætti fiskistofustjóra Kjörsókn utankjörfundar minni en 2020 Sársvekktur að hafa ekki getað kosið í Mývatnssveit Allt um æsispennandi forsetakosningar og leik ársins í fótboltanum Skili embættinu þannig að nýr forseti og þjóðin geti vel við unað Kosningarnar þær mest spennandi síðan 1980 Veðurspá slæm fyrir vikuna og bændur hvattir til að huga að búfénaði Slasaðist á buggy-bíl í Básum í Goðalandi Bláa lónið opnar aftur á morgun Sjómannadagsfjör á Skagaströnd Margir góðir frambjóðendur í boði Jón Gnarr mjög bjartsýnn: „Fyrsti krúnurakaði rauðhærði forsetinn“ „Held ég fari bara að sofa upp úr miðnætti“ Rolluhótel sárabót fyrir að missa gistiheimilið „Væta í minni sveit boðaði heldur betur grósku“ „Unga fólkið er klárlega að velja okkar framboð“ Kjörsókn víða ívið betri en í síðustu kosningum Fékk „gríðarlega góð“ viðbrögð eftir kappræðurnar Fólk kasti atkvæði sínu á stríðsbálið „Ég held að þetta verði mjög spennandi“ Forsetavaktin: Sjöundi forseti lýðveldisins verður kjörinn Tívolíbomba hefði getað skapað stórhættu Sjá meira
Áætlað kostnaður vegna verktöku Árna Sigfússonar, stjórnsýslufræðings og fyrrverandi bæjarstjóra Reykjanesbæjar, við innleiðingu rafrænna skilríkja er 5,6 milljónir króna. Þetta kemur fram í svari Bjarna Benediktssonar, fjármála- og efnahagsráðgjafa, við fyrirspurn Svandísar Svavarsdóttur, þingmanns Vinstri grænna. Síðastliðið haust var skipuð verkefnisstjórn um innleiðingu rafrænna skilríkja til að fylgja eftir sameiginlegri yfirlýsingu fjármála- og efnahagsráðuneytisins og Samtaka fjármálafyrirtækja um að stuðla að útbreiðslu og notkun rafrænna skilríkja en í þessa stjórn völdust fulltrúar úr fjármála- og efnahagsráðuneytinu, Samtökum fjármálafyrirtækja og ríkisskattstjóra. Samkvæmt svari Bjarna er kostnaðurinn sem fellur til vegna verkefnisstjórnarinnar greiddur sameiginlega af ríkin og Samtökum fjármálafyrirtækja og tók hann fram að verkefnisstjórnin tengist ekki aðgerð stjórnvalda til að lækka höfuðstól verðtryggðra fasteignaveðlána.Svandís spurði Bjarna um kostnað vegna innleiðingar rafrænna skilríkjaVísir/Gunnar/VilhelmFéll ekki undir auglýsingaskyldu Svandís spurði hvernig staðið var að vali Árna sem verkefnisstjóra vegna rafrænna skilríkja. „Á hvaða forsendum fór valið fram, hver var reynsla þess er starfið hreppti af því að stýra sambærilegum verkefnum og hvernig var hún metin? Var starfið auglýst, hve miklar eru heildargreiðslur vegna starfsins að meðtöldum kostnaði vegna aksturs, síma, tölvu og annars er starfinu tengist,“ spurði Svandís. Í svari Bjarna kemur fram að verkefnisstjórnin mat Árna hæfan til að sinna starfi verkefnisstjóra. Þá segir Bjarni umrætt verkefni hafa verið unnið í verktöku og telst því ekki starf í skilningi laga um réttindi starfsmanna ríkisins, og fellur því ekki undir auglýsingaskyldu, að því er fram kemur í svari Bjarna sem segir áætlaðan heildarkostnað vegna Árna 5,6 milljónir króna. Þá spurði Svandis hver rökin séu fyrir því að allir verði að notast við tilteknar gerðir rafrænna skilríkja til að eiga kost á svokallaðri skuldaleiðréttingu, það er niðurfærslu á veðskuldum vegna fasteignalána, þegar fyrir liggur að einstaklingum sé heimilt að nota margvísleg önnur skilríki til að sanna á sér deili, svo sem ökuskírteini, íslykla, vegabréf og greiðslukort. Í svari Bjarna kemur fram að ákveðið var að hafa allt ferlið vegna aðgerðinnar rafrænt. Það hafi verið ákveðið með hliðsjón af fjölda umsækjenda og í tak við nútímastjórnsýslu. Samkvæmt reglugerð um samræmt verklag og viðmið við leiðréttingu verðtryggðra fasteignaveðlána þurfa umsækjendur að samþykkja niðurstöðu útreiknings á höfuðstólslækkun íbúðalána með rafrænni undirritun. „Rafræn skilríki eru einu skilríkin sem gefa möguleika fullgildrar rafrænnar undirritunar,“ segir í svari Bjarna.vísir/hörðurRúmar 190 milljónir frá 2007 Svandis spurði hvað þessi allsherjarinnleiðing rafrænna skilríkja kostar en Bjarni segir þessa innleiðingu hafa staðið yfir frá árinu 2008 en undirbúningurinn hófst nokkuð fyrr. „Frá árinu 2008 hafa rafræn skilríki verið gefin út til einstaklinga í samstarfi ríkis og einkaaðila. Heildarkostnaður verkefnisins liggur hjá mörgum aðilum, einkum fjármálafyrirtækjum, en fjármála- og efnahagsráðuneytið hefur ekki borið kostnað af útgáfu rafrænna skilríkja til einstaklinga,“ segir Bjarni en kostnaður ríkissjóðs, sem hefur fallið til í ráðuneytinu vegna verkefnisins, nemur 191,5 milljónum króna frá árinu 2007. Samkvæmt Bjarna hefur árlegur kostnaður verið að meðaltali 23 milljónir króna, nema árið 2007 þegar hann var 50,8 milljónir króna og árið 2008 þegar kostnaðurinn var 38,4 milljónir króna. Segir Bjarni að stærsti hluti þessarar upphæðar sé vegna árlegs framlags vegna samstarfssamnings við Auðkenni hf. um almenna notkun rafrænna skilríkja. „Framlag ríkissjóðs til samstarfsverkefnisins er 10 millj. kr. á ári sem tekur breytingum í samræmi við vísitölu neysluverðs. Greiðslan er fyrir hýsingu og rekstur Íslandsrótar, milliskilríkja og notendaleyfa persónutengdra endaskilríkja, auk framleiðslu og aðgengis að afturköllunarlistum (CRL) og svokallaðri OCSP-þjónustu. Frá árinu 2008 hafa greiðslur vegna þessa numið alls 107,4 millj. kr., auk 30 millj. kr. stofnframlags árið 2007. Annar kostnaður er vegna hugbúnaðargerðar og sérfræðiþjónustu. Í framantöldum kostnaði er tekið tillit til 35,6 millj. kr. framlags vegna STORK-verkefnisins sem hefur það að markmiði að gera Evrópu að einu rafrænu innskráningar- og auðkenningarsvæði,“ segir í svari Bjarna. Þá var kostnaðurinn við kynningu og auglýsingar vegna rafrænna skilríkja í tengslum við svokallaða skuldaleiðréttingu 560 þúsund krónur en að auki hefur verið vakin athygli á rafrænum skilríkjum í almennum auglýsingum um höfuðstólslækkun verðtryggðra fasteignaveðlána. Þá spurði Svandís hvort þessi auglýsinga- og kynningarstarfsemi hefði verið boðin út og hvaða aðili hefði annast auglýsinga- og kynningarstarfsemina. Þá vildi hún einnig vita hvað réði vali á viðkomandi en í svari Bjarna kemur fram að starfsemin var ekki boðin út heldur hefði embætti ríkisskattstjóra annast þau mál sem framkvæmdaraðili höfuðstólslækkunar verðtryggðra íbúðalána.
Mest lesið Forsetavaktin: Sjöundi forseti lýðveldisins verður kjörinn Innlent Bein útsending: Kosningasjónvarp Stöðvar 2 Innlent Mætti á kjörstað en fékk þau svör að hún væri búin að kjósa Innlent Jón Gnarr mjög bjartsýnn: „Fyrsti krúnurakaði rauðhærði forsetinn“ Innlent „Galið! Kosningar eru greinilega ekki fyrir öll!“ Innlent Tívolíbomba hefði getað skapað stórhættu Innlent „Unga fólkið er klárlega að velja okkar framboð“ Innlent Beið í klukkustund eftir að fá að kjósa Innlent „Við höfum ekki séð þetta á Íslandi áður“ Innlent Ólík sýn á hvort Ísland eigi að styðja vörn Úkraínumanna Innlent Fleiri fréttir Fyrstu tölur úr Norðausturkjördæmi: Halla Tómasdóttir efst Halla Hrund: „Þetta ferðalag mun binda okkur saman út ævina“ Bein útsending: Kosningasjónvarp Stöðvar 2 Alls konar dýnamík geti komið inn við myndun tveggja turna Beið í klukkustund eftir að fá að kjósa „Galið! Kosningar eru greinilega ekki fyrir öll!“ Mætti á kjörstað en fékk þau svör að hún væri búin að kjósa Ráðinn slökkviliðsstjóri á Suðurnesjum Skipuð í embætti fiskistofustjóra Kjörsókn utankjörfundar minni en 2020 Sársvekktur að hafa ekki getað kosið í Mývatnssveit Allt um æsispennandi forsetakosningar og leik ársins í fótboltanum Skili embættinu þannig að nýr forseti og þjóðin geti vel við unað Kosningarnar þær mest spennandi síðan 1980 Veðurspá slæm fyrir vikuna og bændur hvattir til að huga að búfénaði Slasaðist á buggy-bíl í Básum í Goðalandi Bláa lónið opnar aftur á morgun Sjómannadagsfjör á Skagaströnd Margir góðir frambjóðendur í boði Jón Gnarr mjög bjartsýnn: „Fyrsti krúnurakaði rauðhærði forsetinn“ „Held ég fari bara að sofa upp úr miðnætti“ Rolluhótel sárabót fyrir að missa gistiheimilið „Væta í minni sveit boðaði heldur betur grósku“ „Unga fólkið er klárlega að velja okkar framboð“ Kjörsókn víða ívið betri en í síðustu kosningum Fékk „gríðarlega góð“ viðbrögð eftir kappræðurnar Fólk kasti atkvæði sínu á stríðsbálið „Ég held að þetta verði mjög spennandi“ Forsetavaktin: Sjöundi forseti lýðveldisins verður kjörinn Tívolíbomba hefði getað skapað stórhættu Sjá meira