Kristján Þór fyrsti ráðherrann í Hip hop og Pólitík

Þorbjörn Þórðarson skrifar 7. maí 2015 15:20

Valgerður Rúnarsdóttir læknir á Vogi og Kristján Þór Júlíusson heilbrigðisráðherra.

Sókn mannsins í hugbreytandi efni og áfengis- og vímuefnavandinn á Íslandi var þemað í nýjasta þættinum af hlaðvarpinu Hip hop og Pólitík.

Kristján Þór Júlíusson er fyrsti starfandi ráðherrann sem mætir og var gestur að þessu sinni ásamt Valgerði Rúnarsdóttur yfirækni á Vogi.

Meðal þess sem rætt var í þættinum:

Hvers vegna eru sumir einstaklingar berskjaldaðri fyrir sókn í hugbreytandi efni? Og hversu vel skilja vísindamenn sjúkdóminn alkóhólisma í dag.
The mesolimbic pathway (reward pathway) heilans.
HFA: High Functioning Alcoholic. Hversu stórt hlutfall alkóhólista sem leita sér hjálpar eru HFA?
Fordómar í garð sjúkdómsins. Er það ekki hluti af vandamálinu og myndu ekki fleiri leita sér hjálpar ef fordómarnir væru ekki svona miklir?
Sala, innflutningur og dreifing fíkniefna hefur ekki dregist saman þrátt fyrir hertar refsingar. Varnaðaráhrif hertra refsinga við fíkniefnabrotum eru mjög takmörkuð. Þarf að endurskoða þetta í íslenskum lögum?
Endurskoðun refsinga fyrir minniháttar brot (þ.e. brot sem falla utan gildissviðs 173. gr. a. hgl. (stórfellt fíkniefnabrot). Liður í þessu er sú stefna að meðhöndla vörslu og dreifingu fíkniefna í litlum skömmtum sem heilbrigðisvanda þess sem á í hlut.
Textar kanadíska rapparans Drake en áfengi kemur þar iðulega fyrir. Drake er sjálfur sonur óvirks alkóhólista og endurnýjaði samband sitt við föður sinn eftir að sá síðarnefndi setti tappann í flöskuna.
Upphlaup bandaríska rapparans Kanye West á MTV-verðlaunahátíðinni 2009 en West var sótaður.
Lögleiðing maríjúana í Colorado í Bandaríkjunum og lögleiðing á maríjúana í lækningaskyni í Kaliforníu gegn ávísun lyfseðils.

Hægt er að hlusta hér eða með því að smella á spilunarhnapp efst í fréttinni.

Hip Hip og Pólitík er vikulegt hlaðvarp (e. podcast) sem birtist á Vísi. Hlaðvarpið er aðgengilegt undir Podcasts í öllum snjalltækjum frá Apple (iPhone, iPad og iTunes). Hlaðvarpið var vinsælasta hlaðvarp á Íslandi á dögunum samkvæmt mælingum Apple.

Mest lesið

Fleiri fréttir