Vöknuðu um miðja nótt og vöktu kennarana sína með látum

Nemendur á lokaári við Verkmenntaskólann á Neskaupstað hittust klukkan fjögur í nótt. Tilefnið var dimmetering en framundan er próflestur fyrir stúdentsprófin sem eru handan við hornið.

Nemendurnir, klæddir skemmtilegum búningum í anda dagsins, rúntuðu um bæinn á traktor með vagni og ræstu kennara sína í bænum með söng og trommuslætti. Nýttu þau einnig umbúðir konfektsins í McIntosh-dollunum til trumbusláttar.

Ungmennin hittu svo skólastjóra og starfsfólk fyrir í skólanum í dag þar sem samlokur voru snæddar og skolað niður með kaffi, kakó eða te.