Fræða konur um hjartveiki

GoRed-átakinu var hleypt af stokkunum í gær þegar rauðklæddar konur afhentu borgarstjórn Reykjavíkur næluna rauða kjólinn sem er tákn átaksins.

GoRed er alheimsátak á vegum World Heart Federation til að fræða konur um áhættuþætti hjarta- og æðasjúkdóma, einkennin og hvernig hægt er að minnka líkurnar á að fá þessa sjúkdóma.

Hjarta- og æðasjúkdómar eru algengasta dánarorsök kvenna á Íslandi eins og annars staðar í heiminum. Jafnmargar konur og karlar látast árlega af völdum þessara sjúkdóma.