Tíundi fundurinn er að baki

Enn ber mikið í milli vegna kjarasamnings starfsmanna Norðuráls, að því er fram kemur á vef Verkalýðsfélags Akraness.

Í gær var tíundi fundurinn í deilunni hjá Ríkissáttasemjara.

Kjarasamningur starfsmanna rann út um áramót.

Á fundinum átti að fara yfir hin ýmsu atriði er snúa að kröfugerð stéttarfélaganna.

„En ein aðalkrafan er hvellskýr: að grunnlaun fyrir dagvinnu hækki umtalsvert enda eru grunnlaunin í dag því miður alltof lág,“ segir á vef verkalýðsfélagsins.