Leik ÍBV og KR frestað til morgundagsins

Leik ÍBV og KR í Pepsi-deildinni sem átti að fara fram klukkan 18.00 verður frestað vegna þoku í Vestmannaeyjum. KR-liðið gat ekki lent flugvél sinni og þurfti liðið því að snúa til baka.

Þetta staðfesti Óskar Örn Ólafsson, formaður ÍBV, við fréttastofu 365 rétt í þessu. Guðlaugur Gunnarsson, starfsmaður KSÍ, staðfesti í samtali við Fótbolti.net í dag að leikurinn færi fram á morgun.

Um gríðarlega mikilvægan leik er að ræða fyrir bæði lið en þau berjast á sitt hvorum enda töflunnar.

Upphaflega átti leikurinn að fara fram á mánudaginn en honum var frestað vegna þátttöku KR í úrslitaleik Borgunarbikarsins.

Við gátum ekki lent í eyjum útaf þoku. Back in Reykjavik! #nogame pic.twitter.com/PS64mHV395

— Hólmbert Friðjónsson (@holmbert) August 20, 2015