Tíu þúsund miðar í boði á Kings of Leon: Miðasalan hefst 16. júní

Bandaríska rokkhljómsveitin Kings of Leon er á leiðinni til landsins. Sveitin kemur fram á risatónleikum í nýju Höllinni fimmtudaginn 13. ágúst næstkomandi. Þetta er í fyrsta skipti sem sveitin heimsækir landið.

Miðasala á tónleikana hefst þriðjudaginn 16. júní kl. 10 á Tix.is og verða 10.000 miðar í boði. Forsölur WOW air, Pepsi Max og Senu hefjast daginn áður, eða mánudaginn 15. jún kl. 10. Takmarkað magn miða verður í boði í forsölunum. Þær verða kynntar sérstaklega strax eftir helgi.

Um þrjú verðsvæði verður að ræða og er verðið sem hér segir:

Golden Circle:    24.990 kr.

A svæði:             19.990 kr.

B svæði:             14.990 kr.

Golden Circle er afmarkað svæði næst sviðinu og í það svæði verður mjög takmarkað magn miða í boði. A svæði er fremri hluti salarins og B svæði er aftari hluti salarins. Öll svæðin eru eingöngu standandi; engin sæti eru í boði.

Af gefnu tilefni skal það tekið fram að það er enginn möguleiki á bæta við aukatónleikum.