Varðskipið Týr bjargar hundruðum flóttamanna

Bjarki Ármannsson skrifar 4. maí 2015 21:11

Áhöfn varðskipsins Týs bjargaði í dag og kvöld 328 flóttamönnum af tveimur bátum norður af Líbíu. Um var að ræða 236 manns á trébát og hinsvegar 92 á litlum gúmmíbát.

Tæplega 70 konur og börn voru í hópnum. Samkvæmt tilkynningu Landhelgisgæslunnar tókust aðgerðir vel og heldur skipið nú til Sikileyjar þar sem fólkið verður sett í land á morgun.

Líkt og greint hefur verið frá, hefur varðskipið Týr tekið þátt í að bjarga nokkrum þúsundum flóttamanna á Miðjarðarhafi undanfarnar vikur. Skipið hefur sinnt eftirlitshlutverki á vegum Frontex, samtaka Evrópuráðsins um öryggi flóttafólks og hælisleitenda.

Tengdar fréttir

„Hvert rými setið“

Halldór B. Nellett, skipherra Týs, segir að 320 flóttamenn vera í það mesta sem komist um borð í varðskipið.

5. apríl 2015 10:24

Skipherrann á Tý: "Ein konan var komin alveg á steypirinn“

Týr er nú kominn til hafnar í Taranto á Ítalíu og voru 360 flóttamenn með í för sem áhöfnin bjargaði.

15. apríl 2015 13:30

Týr heldur áfram eftirliti á vegum Frontex

Varðskipið Týr er haldið úr höfn frá Sikiley eftir að hafa bjargað 320 flóttamönnum úr lekum bát:

7. apríl 2015 07:00

„Höfum fulla trú á því að þetta sé komið til að vera“

Ekki hefur enn fengist leyfi fyrir nýju gistiskýli fyrir ungmenni sem Götusmiðjan hefur rekið síðustu vikur á Stórhöfða í Reykjavík. Forstöðumenn segja þörfina brýna og mörg ungmenni í vanda.

10. apríl 2015 00:01

Varðskipið Týr komið með flóttamennina til hafnar

Varðskipið Týr kom til hafnar í Pozzallo á Sikiley um klukkan tvo að íslenskum tíma í dag með 320 flóttamenn sem áhöfn varðskipsins bjargaði í gær af lekum fiskibát þrjátíu sjómílum norður af Líbýu.

4. apríl 2015 18:28

Smyglarar skutu af byssum sínum í grennd við Tý á Miðjarðarhafi

Smyglarar sem sérhæfa sig í því að koma fólki yfir Miðjarðarhafið frá Líbíu og að Evrópuströndum skutu af byssum sínum og tóku bát í tog sem flóttafólki hafði skömmu áður verið bjargað úr. Týr, skip Landhelgisgæslunnar, var statt á svæðinu og hafði skömmu áður tekið þátt í björgun fólksins, að því er segir í tilkynningu frá Frontex, landamærastofnun Evrópu.

15. apríl 2015 07:05