Hringvegi 1 og Hvalfjarðargöngum lokað tímabundið

Vegna vinnu við vegrið á Kringlumýrarbraut á kaflanum frá Listabraut að Nýbýlavegi verða umferðartafir í dag frá klukkan 10 til 15. Hraði um vinnusvæðið hefur verið lækkaður í 50 kílómetra á klukkustund og eru vegfarendur beðnir um að sýna aðgát og virða merkingar.

Þá verða Hvalfjarðargöng lokuð aðfararnætur miðviku- og fimmtudags, 6. og 7. maí, frá klukkan 20 til klukan 6 að morgni vegna framkvæmda og viðhalds.

Hringvegi 1 verður lokað við Sveinatungu í Norðurárdal á morgun frá miðnætti til klukkan 6 að morgni föstudagsins 8. maí. Vegfarendum er bend á Laxárdalsheiði og Bröttubrekku á meðan.