Styrktu BUGL um 250 þúsund krónur

Starfsmenn Aðalskoðunar afhentu barna- og unglingageðdeild Landspítala, BUGL, styrk upp á 250 þúsund krónur en fjárhæðinni söfnuðu þeir með þátttöku sinni í sjónvarpsþáttunum Geðveik jól á RÚV í desember 2014.

Styrkurinn var afhendur á föstudaginn síðastliðinn. Með þátttökunni framleiddu starfsmenn Aðalskoðunar lag og myndband sem keppti um titilinn „Geðveikasta jólalagið 2014“ og söfnuðu um leið áheitum fyrir spítalann en tilgangur þáttanna er að minna á geðheilbrigði ásamt því að safna áheitum fyrir gott málefni.