Daily Mail fjallar um bólgnar varir íslenskra stúlkna

Einhver vinsælasta fréttasíða veraldar, Daily Mail, sem gerir ekki síst út á að segja furðufréttir, hefur tekið til umfjöllunar þær systur Yrju Ás Baldvinsdóttur og Birgittu Ás Baldvinsdóttur og fegrunartilraunir þeirra.

Þær sem sagt stækka varir sínar með því að soga þær ofan í flösku. Við það bólgna varir þeirra. Systurnar birtu myndir af þessum fegrunartilraunum sínum á netinu og það er ekki að sökum að spyrja; einhver þekktasti vefmiðill heims hefur nú tekið málið upp.

Daily Mail vitnar í Facebookskrif Yrju þar sem hún varar fólk við þessari aðferð, en hún furðar sig á því að þetta sé nokkuð sem fólk hafi tekið upp.