Myndband: Björgunarsveitarmenn mjakast áfram á Vatnajökli

Björgunarsveitarmenn mjakast nú áleiðis í átt að tveimur gönguskíðamönnum sem lentu í vandræðum á Vatnajökli fyrr í dag.

„Snjóbíllinn frá Höfn á einhverja 10-15 kílómetra eftir og björgunarsveitirnar að austan einhverja 30 kílómetra," segir Friðrik Jónas Friðriksson, formaður Björgunarfélags Hornafjarðar í samtali við fréttastofu.

Sjá einnig: Lítið skyggni á jöklinum og þungt færi

Hann segir erfitt að segja til um hvenær björgunarmennirnir komast til ferðamannanna en það sé gróflega áætlað kannski um klukkutími til einn og hálfur tími í það.

Í myndbandinu hér að neðan, sem birtist á Facebook-síðu Björgunarfélags Hornafjarðar, sést greinilega hversu þungt færið er á jöklinum.

Post by Björgunarfélag Hornafjarðar.