Húsleit í Kópavogi og Breiðholti

Lögreglan á höfuðborgarsvæðinu framkvæmdi í síðasta mánuði á annan tug húsleita í óskyldum fíkniefnamálum í Kópavogi og Breiðholti. Í tilkynningu frá lögreglunni segir að lagt hafi verið hald á talsvert magn af kannabisefnum, en einnig amfetamíni, MDMA og stera.

Lagt var hald á um 50 grömm af amfetamíni, um 500 grömm af kannabisolíu og um 400 grömm af pressuðum kannabislaufum á þremur stöðum í sveitarfélögunum.

Aðgerðirnar eru liður í að hamla gegn sölu, dreifingu og framleiðslu fíkniefna, en lögreglan minnir á fíkniefnasímann 800-5005. Í hann má hringja nafnlaust til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann, að því er fram kemur í tilkynningunni.