Golfklúbburinn Leynir fær fimm milljóna króna menningarstyrk

Mennta- og menningarmálaráðuneyti hefur úthlutað styrkjum til verkefna er stuðla að faglegri uppbyggingu á sviði menningarmála. Alls var sótt um fjárhæð 393.784.715 krónur en úthlutað var 66.850.000 krónum. Hundrað og sjö umsóknir lágu fyrir en 35 styrkir voru veittir að þessu sinni.

Þó yfirskrift styrkjanna séu menningarmál, má ljóst vera að tekið er tillit til skilgreiningar Sigmundar Davíðs Gunnlaugssonar forsætisráðherra á þjóðmenningu og mikilvægi hennar því sérstök áhersla er lögð á að menningararfinn og uppbyggingu landsmótsstaða. Hæstu styrkirnir renna óbeint til UMFÍ; Akureyrarbær fær 8,3 milljónir vegna Unglingalandsmóts UMFÍ 2015 og Blönduósbær fær 6 milljónir til að standa veglega að Landsmóti UMFÍ 50+.

Á meðfylgjandi lista yfir styrkþegar kennir ýmissa grasa en mega skátarnir vel við una, auk þess sem athygli vekur að Golfklúbburinn Leynir fær 5 milljónir til að koma upp aðstöðubyggingu fyrir Íslandsmótið í höggleik, en Golfsambandið er aðili að Íþróttasambandi Íslands. En, þá má til þess líta að Illugi Gunnarsson mennta- og menningarmálaráðherra er einnig íþróttamálaráðherra og gæti það vegið þungt þegar litið er til menningarlegs mikilvægis golfíþróttarinnar.

Eftirfarandi  umsækjendur og verkefni hlutu styrki fyrir árið 2015:

Jóhann Sigmarsson -  Miðbaugs- minjaverkefnið - 700.000

Akureyrarbær - Unglingalandsmót UMFÍ 2015 - 8.300.000

Ari Trausti Guðmundsson - Vefsíða um myndlistarmanninn Guðmund Einarsson frá Miðdal - 250.000

ASSITEJ, Samtök um barna- og unglingaleikhús á Íslandi - Alþjóðleg sviðslistahátíð ASSITEJ fyrir unga áhorfendur - 500.000

Bandalag íslenskra skáta - Björgun menningararfs skátahreyfingarinnar- 1.000.000

Bandalag íslenskra skáta - Landsmótsuppbygging á Úlfljótsvatni og viðvörunarkerfi vegna neyðaráætlana á stórmótum skáta - 2.000.000

Bandalag sjálfstæðra leikhúsa - Rekstur 2015- 3.000.000

Bókmenntahátíð í Reykjavík - Bókmenntahátíð í Reykjavík 2015- 2.500.000

Blönduósbær - Landsmót UMFÍ 50+- 6.000.000

Byggðasafn Vestfjarða - Menntasmiðja Guðmundar J. Sigurðssonar á Þingeyri- 600.000

Dansk-íslenska félagið - Aldarafmæli félagsins- 1.000.000

Dudo ehf. - Iceland Writers Retreat- 300.000

Félag leikmynda- og búningahöfunda - Fulltrúi Íslands á heimsýningunni Prague Quadrennial 2015- 600.000

Félag Sameinuðu þjóðanna á Íslandi - UNESCO skólar á Íslandi- 750.000

Félag um listasafn Samúels - Hús Samúels- 1.000.000

Golfklúbburinn Leynir - Aðstöðuuppbygging fyrir Íslandsmót í höggleik- 5.000.000

IBBY á Íslandi - Starfsemi árið 2015- 500.000

Íslandsdeild ICOM - alþjóðaráð safna - Starfsemi 2015 - 700.000

Íslenska dansfræðafélagið - NOFOD Reykjavík 2015 - 500.000

Íslenska málfræðifélagið - Starfsemi 2015 - 200.000

Jón Þ. Þór - Ævisaga Boga Th. Melsted, efnisöflun - 250.000

Lókal, leiklistarhátíð - Lókal leiklistarhátíð 2015 - 3.000.000

Listfræðafélag Íslands - NORDIK 2015, norræn listfræðiráðstefna- 600.000

Mats Wibe Lund sf. - Heimildarmyndasafnið „Ásýnd Íslands úr lofti“- 200.000

Menningarmiðstöð Fljótsdalshéraðs o. fl. - Þjóðleikur 2015- 1.500.000

Vináttufélag Íslendinga og Baska - Spánverjavígin 1615 - 400 ára minning - 1.800.000

Reykjavík Dance Festival - Reykjavík Dance Festival 2015 - 2.500.000

Rithöfundasamband Íslands - Rekstur 2015, erlent samstarf, Höfundamiðstöð og Skáld í skólum - 4.000.000

Samband íslenskra myndlistarmanna - Rekstur 2015 og Dagur myndlistar-5.000.000

Samtök um danshús - Dansverkstæðið - vinnustofur danshöfunda- 1.500.000

Skógarmenn KFUM - Vatnaskógi - Uppbygging á landsmótssvæði, þjónustuskáli og tjaldstæði- 3.000.000

Snorrastofa í Reykholti - Forn trúarbrögð Norðursins, alþjóðlegt verkefni- 2.000.000

Tónlist fyrir alla - Skólatónleikar á Íslandi 2015- 5.000.000

Harpa tónlistar- og ráðstefnuhús ohf. - Upptakturinn - Tónsköpunarverðlaun barna og ungmenna- 500.000

Þjóðbúningaráð - Rekstur 2015- 600.000