Bíll sat fastur ofan á vegriði á Reykjanesbraut

Ökumaður missti nýverið stjórn á bifreið sinni á Reykjanesbraut með þeim afleiðingum að hún lenti milli akreina og hafnaði ofan á vegriði þar sem hún sat föst. Fjarlægja þurfti hana með dráttarbifreið.

Í tilkynningu frá lögreglunni á Suðurnesjum segir að allmörg umferðaróhöpp hafa orðið í umdæmi lögreglunnar á Suðurnesjum á undanförnum dögum.

„Annar ökumaður ók á ljósastaur í Keflavík. Þá var olíuflutningabifreið ekið á girðingu við öryggishlið við Keflavíkurflugvöll. Loks ók ökumaður á grindverk við hafnarbakka Keflavíkurhafnar. Þá urðu fáeinir minni háttar árekstrar.“