Ellert líkir línuverðinum við Stevie Wonder

Leikmenn og stuðningsmenn Breiðabliks voru mjög ósáttir við dómgæsluna í leik liðsins gegn Keflavík í 3. umferð Pepsi-deildar karla í gær.

Leikurinn endaði með jafntefli, 1-1, en Guðjón Pétur Lýðsson tryggði Blikum stig með glæsilegu marki beint úr aukaspyrnu í uppbótartíma.

Tvö mörk voru dæmd af Ellerti Hreinssyni, framherja Breiðabliks, í seinni hálfleik en í endursýningu sást að báðir dómarnir voru rangir.

Eftir leikinn birti Ellert mynd af hinum blinda tónlistarmanni Stevie Wonder á Twitter-síðu sinni og var þar augljóslega að vísa til axarskafta línuvarðarins sem dæmdi mörkin tvö af honum.

Myndina má sjá hér að neðan.

pic.twitter.com/tFq9gi9VyN

— Ellert Hreinsson (@ellerthreins) May 17, 2015