Innlent

Mótmæla því að fjármagnið verði notað til að greiða rekstur hjúkrunarheimila

Stefán Árni Pálsson skrifar
vísir/vilhelm
Landssamband eldri borgara hefur sent frá sér ályktun um Framkvæmdasjóð aldraðra sem var samþykkt á fundi sambandsins þann 10. febrúar.

„Landssamband eldri borgara mótmælir því harðlega að fjármagn Framkvæmdarsjóðs aldraðra verði notað til þess að greiða rekstur hjúkrunarheimila,“ segir í ályktunni.

Þar segir einnig að aðalmarkmið sjóðsins sé að stuðla að fjölgun hjúkrunarheimila.

„Neyðarástand er að skapast vegna vöntunar á hjúkrunarrýmum, á höfuðborgarsvæðinu, Suðurnesjum og víðar á landinu. Ástandið á enn eftir að versna ef ekkert er að gert, þar sem áætlanir gera ráð fyrir mikilli fjölgun þeirra sem verða að leita eftir þjónustu og geta ekki bjargað sér lengur heima hjá sér vegna veikinda.“

Það er mat Landssambands eldri borgara að samfélagið allt verði að bregðast við vandanum nú þegar með gerð áætlunar um fjölgun hjúkrunarrýma til að mæta áætlaðri þörf á næstu árum.

„Brýnt er að sveitarfélög og ríki standi saman að gerð slíkrar áætlunar ásamt Landssambandi eldri borgara”


Tengdar fréttir

Sjúkraliðar veikir vegna langtímaálags

Framkvæmdastjóri Sjúkraliðafélags Íslands segir alvarlegt að ófaglærðir gefi lyf á hjúkrunarheimilum og það geti skapað stórhættu. Álagið sé svo mikið á sjúkraliðum að dæmi séu um að þeir noti hlaupahjól til þess að komast hraðar á milli.

Aldraðir fá ekki böðun eftir pöntun

Ekki hafa allir eldri borgarar sem búa á hjúkrunarheimilum val um það hvenær og hversu oft þeir fá að fara í bað. Formaður Félags eldri borgara segir félagið hafa miklar áhyggjur af stöðu aldraðra og langri bið eftir að komast á hjúkrunarheimili.

Mest lesið


Fleiri fréttir

Sjá meira


×

Mest lesið