Segir sjúkrabíl hafa komið fljótt í Terra Mítica

Jón Sigurður Eyjólfsson skrifar 11. júlí 2014 07:00

Framkvæmdastjóri skemmtigarðsins Terra Mítica segir hug starfsmanna og stjórnenda vera hjá fjölskyldu piltsins sem lést.

„Það liðu ekki meira en tíu mínútur þar til ungi maðurinn var kominn undir læknishendur,“ segir Joaquín Valera, framkvæmdastjóri skemmtigarðsins Terra Mítica. Fréttablaðið spurði framkvæmdastjórann hvernig brugðist hafi verið við þegar íslenskur piltur lést þar síðastliðinn mánudag.

„Brugðist var fljótt við,“ segir Valera. „Tæknimenn huguðu að honum strax eftir slysið. Eftir um fimm mínútur voru læknar okkar komnir á vettvang en þeir eru þjálfaðir meðal annars í því að takast á við aðstæður sem þessar. Fáum mínútum síðar komu tveir sjúkrabílar. Annar þeirra var sérútbúinn sjúkrabíll með öllum tækjum og tólum jafnvel til skurðaðgerða. Annars er allt þetta ferli skjalfest hjá lögreglu.“

Valera segist ekki hafa áhyggjur af þeim skaðabótum eða öðrum skaða sem skemmtigarðurinn gæti orðið fyrir vegna málsins.

„Það er ekki það sem við erum að hugsa um núna,“ segir hann. „Hugur okkar er hjá fjölskyldu hins látna.“

Þá segir Valera þá spurningu hvort hann sjálfur geti orðið sekur fundinn, ekki vera viðeigandi á þessari stundu.

Tengdar fréttir

Ættingjar Andra Freys fara fram á skaðabætur

Haft er eftir dómara að ef enginn verði fundinn sekur geti ættingjar engu að síður krafist skaðabóta ákæri þeir í málinu.

10. júlí 2014 10:47

Lögreglan á Spáni: „Það sem við vitum núna er að sætisólin opnaðist“

"Tækið hefur verið innsiglað á meðan rannsóknin fer fram," segir fjölmiðlafulltrúi lögreglunnar í Benidorm um rússíbanann sem íslenskur piltur féll úr í gær. Undirréttur í umdæminu hefur farið fram á opinbera rannsókn á slysinu

8. júlí 2014 11:57

Fjölskylda Andra Freys Sveinssonar sendir frá sér yfirlýsingu

Í yfirlýsingunni kemur fram að Andri hafi setið aftast í rússíbananum Inferno þegar öll öryggistæki hafi gefið sig. Andri var með vini sínum og yngri systur í tækinu.

9. júlí 2014 18:59

Rússíbönum í Stokkhólmi og Helsinki lokað vegna dauðsfallsins

Skemmtigarðar í Stokkhólmi og Helsinki hafa lokað rússíbönum ótímabundið vegna banaslyssins á Benidorm.

8. júlí 2014 11:28

Maðurinn sem lést á Benidorm íslenskur

Íslendingurinn er sagður hafa kastast úr rússíbana í skemmtigarðinum Terra Mitica. Rússíbaninn kallast Inferno og fer hann á allt að 96 kílómetra hraða á klukkustund. Hann er 25 metra hár og snýst í 360 gráður á 60 kílómetra hraða. Talið er að öryggisbeltið sem notað var hafi verið gallað og ekki virkað sem skyldi.

7. júlí 2014 22:14