Harma ráðagerðir menntamálaráðherra

Sunna Karen Sigurþórsdóttir skrifar 27. október 2014 23:16

Kennarafélag Fjölbrautaskólans við Ármúla harmar ráðagerðir menntamálaráðherra, Illuga Gunnarssonar, að skerða aðgang nemenda eldri en 25 ára að bóknámi við framhaldsskóla. Þetta kemur fram í ályktun frá félaginu.

„Þetta frumvarp er sett fram um leið og hætta á átakinu „Nám er vinnandi vegur“. Með þeim hætti yrði jafnrétti til menntunar skert,“ segir í ályktuninni.

Þar segir jafnframt að í Fjölbrautaskólanum við Ármúla séu nemendur á ýmsum aldri og að sá fjölbreytileiki sé einn af styrkleikum skólans. Opið og sveigjanlegt menntakerfi þjóni hagsmunum samfélagsins.

Tengdar fréttir

Fólk geti ráðið hvenær það vill fara í framhaldsskóla

Skólameistari Fjölbrautaskólans í Garðabæ segir að allir eigi að eiga rétt á ókeypis þriggja til fjögurra ára framhaldsskólanámi, sama hvað fólk er gamalt. Það eigi að vera val hvers og eins hvenær sá réttur er nýttur.

17. október 2014 07:00

Aldurstakmörk sett á nemendur í framhaldsskólum

Þingmaður Samfylkingarinnar segir aðgerðir menntamálaráðherra fækka framhaldsskólanemum um 900. Ráðherra segist ætla að efla framhaldsskólanna og auka framlög á hvern nemanda.

15. október 2014 19:30

Segir menntamálaráðherra loka framhaldsskólunum fyrir nemendum eldri en 25 ára

Menntamálaráðherra var á Alþingi í dag sakaður um að loka framhaldsskólunum fyrir nemendum eldri en 25 ára og vísa þeim í staðinn á sautján sinnum dýrari úrræði.

20. október 2014 18:55

Gæti þurft að hætta með leikskólabraut FG

Mikilvægt er að tryggja rétt nemenda til framhaldsnáms óháð aldri. Þetta segir skólameistari Fjölbrautarskólans í Garðabæ sem segir fyrirhugaðar breytingar sem eiga að takmarka aðgengi nemenda 25 ára og eldri að framhaldsskólum geta orðið til þess að hætta þurfi með leikskólabraut sem kennd er við skólann.

16. október 2014 13:28