Bræðslan haldin í tíunda sinn Gunnar Leó Pálsson skrifar 9. apríl 2014 09:30 Emilíana Torrini kemur fram á Bræðslunni í sumar. Vísir/Arnþór „Þetta er Bræðsla númer tíu og við vorum lengi að velta fyrir okkur hvernig við ættum að útfæra hátíðina af því tilefni og ákváðum því á endanum að hafa þetta svona „best of“. Við fengum nokkra af bestu tónlistarmönnum þjóðarinnar, sem eiga allir sinn þátt í því að Bræðslan er eins og hún er í dag,“ segir Magni Ásgeirsson Bræðslustjóri en tónlistarhátíðin Bræðslan fer fram á Borgarfirði eystra laugardaginn 26. júlí næstkomandi. Þetta er í tíunda skiptið sem Borgfirðingar slá upp tónlistarhátíð í gömlu síldarbræðslunni á Borgarfirði og því verður hátíðin í sumar sérlega vegleg. Eftirtalið tónlistarfólk kemur fram á hátíðinni í ár: Drangar, Emilíana Torrini, Lára Rúnars, Mammút, Pollapönk og SúEllen. „Við höfum oft haft erlenda tónlistarmenn á hátíðinni eins og Damien Rice og John Grant, en fyrst Emilíana Torrini kom heim aftur ákváðum við vera ekki að sækja vatnið yfir lækinn,“ segir Magni, sem er sérstaklega ánægður yfir því að Emilíana Torrini snýr nú aftur til Borgarfjarðar. Emilíana varði einmitt hluta af æsku sinni á Borgarfirði og kom fram á fyrstu Bræðslutónleikunum 2005 og einnig á Bræðslunni 2006. Fleiri góðkunningjar Bræðslunnar snúa aftur, meðlimir Dranga, þeir Jónas Sigurðsson, Mugison og Ómar Guðjónsson, hafa allir komið fram áður á Bræðslunni, auk þess sem þeir unnu hluta af sinni fyrstu plötu á Borgarfirði. „Lára Rúnarsdóttir og meðlimir hennar hljómsveitar sigldi einmitt með þeim Dröngum í kringum landið á Húna II á síðasta ári, meðal annars með viðkomu á Borgarfirði, en þetta verður í fyrsta skiptið sem Lára kemur fram í Bræðslunni,“ bætir Magni við.Magni Ásgeirsson lofar miklu stuði á Bræðslunni.Vísir/stefánSömu sögu er að segja um ungliða þessa árs, Mammút sem hefur vakið verðskuldaða athygli á síðustu mánuðum. Bræðslan hefur alla tíð haft það markmið að kynna ungt tónlistarfólk á hátíðinni og er þar skemmst að minnast Of Monsters and Men sem kom fram á hátíðinni 2010, þá að stíga sín fyrstu spor. Önnur hljómsveit sem mun koma fram í fyrsta skiptið á Borgarfirði er þó heldur eldri í hettunni, en það eru Austfirðingarnir í SúEllen. Þrátt fyrir að hafa spilað saman í hartnær þrjá áratugi hefur sveitin aldrei komið fram fullskipuð á Borgarfirði. „Síðast en ekki síst skal svo nefna fulltrúa okkar Íslendinga í Evrovision þetta árið, Pollapönk. Þeir munu koma með sinn góða boðskap um enga fordóma í Borgarfjörðinn.“ Miðasala á hátíðina hefst á miði.is þann 6. maí kl 10.00. „Á síðasta ári seldust miðar í Bræðsluna upp á 60 klukkustundum og því rétt að hafa hraðann á til að tryggja sér miða,“ bætir Magni við léttur í lundu en einungis 800 miðar eru í boði. Mest lesið „Þetta styrkti mig rosalega en þetta braut mig líka“ Tónlist „Ég dreg mig í hlé og fer bara og stofna kaffihús“ Lífið Gefi raunsanna mynd af stefnumótahremmingum trans kvenna Bíó og sjónvarp Mörg hundruð manns á opnun kosningamiðstöðvar Katrínar Lífið Fataherbergið seldi henni íbúðina strax Tíska og hönnun Grænmetisæta í 38 ár en ekki lengur Lífið Gaman að geta grætt fólk á góðan hátt Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið Kynfræðingur selur slotið á landsbyggðinni Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Fleiri fréttir „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira
„Þetta er Bræðsla númer tíu og við vorum lengi að velta fyrir okkur hvernig við ættum að útfæra hátíðina af því tilefni og ákváðum því á endanum að hafa þetta svona „best of“. Við fengum nokkra af bestu tónlistarmönnum þjóðarinnar, sem eiga allir sinn þátt í því að Bræðslan er eins og hún er í dag,“ segir Magni Ásgeirsson Bræðslustjóri en tónlistarhátíðin Bræðslan fer fram á Borgarfirði eystra laugardaginn 26. júlí næstkomandi. Þetta er í tíunda skiptið sem Borgfirðingar slá upp tónlistarhátíð í gömlu síldarbræðslunni á Borgarfirði og því verður hátíðin í sumar sérlega vegleg. Eftirtalið tónlistarfólk kemur fram á hátíðinni í ár: Drangar, Emilíana Torrini, Lára Rúnars, Mammút, Pollapönk og SúEllen. „Við höfum oft haft erlenda tónlistarmenn á hátíðinni eins og Damien Rice og John Grant, en fyrst Emilíana Torrini kom heim aftur ákváðum við vera ekki að sækja vatnið yfir lækinn,“ segir Magni, sem er sérstaklega ánægður yfir því að Emilíana Torrini snýr nú aftur til Borgarfjarðar. Emilíana varði einmitt hluta af æsku sinni á Borgarfirði og kom fram á fyrstu Bræðslutónleikunum 2005 og einnig á Bræðslunni 2006. Fleiri góðkunningjar Bræðslunnar snúa aftur, meðlimir Dranga, þeir Jónas Sigurðsson, Mugison og Ómar Guðjónsson, hafa allir komið fram áður á Bræðslunni, auk þess sem þeir unnu hluta af sinni fyrstu plötu á Borgarfirði. „Lára Rúnarsdóttir og meðlimir hennar hljómsveitar sigldi einmitt með þeim Dröngum í kringum landið á Húna II á síðasta ári, meðal annars með viðkomu á Borgarfirði, en þetta verður í fyrsta skiptið sem Lára kemur fram í Bræðslunni,“ bætir Magni við.Magni Ásgeirsson lofar miklu stuði á Bræðslunni.Vísir/stefánSömu sögu er að segja um ungliða þessa árs, Mammút sem hefur vakið verðskuldaða athygli á síðustu mánuðum. Bræðslan hefur alla tíð haft það markmið að kynna ungt tónlistarfólk á hátíðinni og er þar skemmst að minnast Of Monsters and Men sem kom fram á hátíðinni 2010, þá að stíga sín fyrstu spor. Önnur hljómsveit sem mun koma fram í fyrsta skiptið á Borgarfirði er þó heldur eldri í hettunni, en það eru Austfirðingarnir í SúEllen. Þrátt fyrir að hafa spilað saman í hartnær þrjá áratugi hefur sveitin aldrei komið fram fullskipuð á Borgarfirði. „Síðast en ekki síst skal svo nefna fulltrúa okkar Íslendinga í Evrovision þetta árið, Pollapönk. Þeir munu koma með sinn góða boðskap um enga fordóma í Borgarfjörðinn.“ Miðasala á hátíðina hefst á miði.is þann 6. maí kl 10.00. „Á síðasta ári seldust miðar í Bræðsluna upp á 60 klukkustundum og því rétt að hafa hraðann á til að tryggja sér miða,“ bætir Magni við léttur í lundu en einungis 800 miðar eru í boði.
Mest lesið „Þetta styrkti mig rosalega en þetta braut mig líka“ Tónlist „Ég dreg mig í hlé og fer bara og stofna kaffihús“ Lífið Gefi raunsanna mynd af stefnumótahremmingum trans kvenna Bíó og sjónvarp Mörg hundruð manns á opnun kosningamiðstöðvar Katrínar Lífið Fataherbergið seldi henni íbúðina strax Tíska og hönnun Grænmetisæta í 38 ár en ekki lengur Lífið Gaman að geta grætt fólk á góðan hátt Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið Kynfræðingur selur slotið á landsbyggðinni Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Fleiri fréttir „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira