Tónlist

Mammút með þrennu

Lilja Katrín Gunnarsdóttir skrifar
Mammút hefur notið gríðarlegrar velgengni upp á síðkastið.
Mammút hefur notið gríðarlegrar velgengni upp á síðkastið.

Íslensku tónlistarverðlaunin voru afhent í tuttugasta sinn í Hörpu í kvöld. Verðlaun voru veitt í 24 flokkum og var hljómsveitin Mammút afar sigursæl. Plata sveitarinnar, Komdu til mín svarta systir, var valin plata ársins í flokknum popp og rokk og plötuumslagið það besta. Þá var lagið Salt með hljómsveitinni einnig valið lag ársins í sama flokki. Þess má geta að sérfræðingar Fréttablaðsins völdu plötuna einnig þá bestu árið 2013.

Þá var Gunnar Þórðarson verðlaunaður sem tónhöfundur ársins í flokki sígildrar og samtímatónlistar fyrir óperuna Ragnheiði en verkið vann einnig verðlaun sem tónlistarviðburður ársins.

Hljómsveitin Grísalappalísa getur einnig verið sátt við sinn hlut en plata hennar, Ali, var valin Coca Cola-plata ársins. Þá var tónlistarmyndbandið við lag sveitarinnar Hver er ég? í leikstjórn Sigurðar Möller Sívertsen valið tónlistarmyndband ársins.

Skálmöld var valin tónlistarflytjandi ársins í flokknum popp og rokk.

Sigurvegarar í flokki djass og blús:

Tónverk ársins: Strokkur af plötunni Meatball Evening - Kristján Tryggvi Martinsson

Tónlistarflytjandi ársins: Sigurður Flosason

Tónhöfundur ársins: Kristján Tryggvi Martinsson fyrir lög á plötunni Meatball Evening

Plata ársins: Meatball Evening - KTríó

Sigríður Thorlacius var valin söngkona ársins í flokknum popp og rokk. Þá fékk hljómsveit hennar, Hjaltalín, verðlaun fyrir plötu ársins, Days of Gray, í opnum flokki.

Sigurvegarar í flokki sígildrar- og samtímatónlistar:

Tónverk ársins: Nostalgia - Páll Ragnar Pálsson

Söngvari ársins: Ágúst Ólafsson

Söngkona ársins: Hallveig Rúnarsdóttir

Tónlistarflytjandi ársins: Nordic Affect

Tónhöfundur ársins: Gunnar Þórðarson fyrir óperuna „Ragnheiði“

Plata ársins: Over Light Earth - Daníel Bjarnason

Ali er fyrsta breiðskífa hljómsveitarinnar Grísalappalísu sem stofnuð var árið 2012.

Sigurvegarar í flokknum popp og rokk:

Tónlistarflytjandi ársins: Skálmöld

Lagahöfundur ársins: John Grant fyrir lög á plötunni Pale Green Ghosts

Lag ársins: Salt - Mammút

Söngvari ársins: John Grant

Söngkona ársins: Sigríður Thorlacius

Plata ársins: Komdu til mín svarta systir - Mammút

Bragi Valdimar Skúlason er textahöfundur ársins.

Önnur verðlaun: 

Upptökustjóri ársins: Sveinn Helgi Halldórsson fyrir stjórn upptöku á Enter 4 með Hjaltalín

Tónlistarviðburður ársins: Gunnar Þórðarson og Friðrik Erlingsson – Ragnheiður, ópera

Plötuumslag ársins: Mammút - Komdu til mín svarta systir 
Hönnun: Alexandra Baldursdóttir, Katrína Mogensen, Sunneva Ása Weisshappel

Tónlistarmyndband ársins: Grísalappalísa - Hver er ég? 
Leikstjóri: Sigurður Möller Sívertsen

Textahöfundur ársins: Bragi Valdimar Skúlason fyrir texta á plötunni Mamma þarf að djamma

Plata ársins (Opinn flokkur): Days of Gray - Hjaltalín

Coca Cola-plata ársins: Ali - Grísalappalísa



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.