Togarinn kominn í höfn á Seyðisfirði

„Við erum bara að binda núna,“ sagði Rúnar Gunnarsson, skipstjóri á Gullveri NS, klukkan 16.44, en þá var togarinn kominn að bryggju á Seyðisfirði, eftir siglingu af Austfjarðamiðum í dag. Áhöfnin, 15 skipverjar, er því komin í heimahöfn.

„Þetta var drulluveður alveg inn í fjarðarkjaft. Eftir það gekk okkur ágætlega,“ sagði Rúnar, en togarinn náði inn í mynni Seyðisfjarðar um fjögurleytið. Hann var síðasta skipið til að ná landi af Austfjarðamiðum en þar er nú skollið á ofsaveður.

Fyrr í dag tóku skipverjar þetta myndband af siglingunni.