Áritar berar bringur um helgar

Við höfðum samband við Ásdísi Rán Gunnarsdóttur fyrirsætu og spurðum hana um ljósmynd sem hún birti á instagram myndasíðunni sinni þar sem hún gefur ungum manni áritun á beran brjóstkassann. 

„Þetta var bara „randome“ tjútt. Ég kíkti á Lavabarinn á föstudaginn og skrifaði nokkrar áritanir á bringur. Það er frekar vinsælt að fá áritun á bringuna um helgar þegar líða fer á nóttina," svarar Ásdís og tekur það fram að þessi umrædda áritun tengist ekki þáttagerðinni sem hún vinnur að um þessar mundir.

Sýnt verður úr undirfatamyndatökunni í þætti Ásdísar sem sýndur verður á Stöð 2 í sumar.  Hér er Facebooksíða verslunarinnar.

Þættirnir sýndir á Stöð 2

„Annars er allt á fullu í upptökum á þáttunum og ég held þetta verði bara ágæt afþreying. Þættirnir verða sýndir á Stöð 2 í sumar. Það er frumsýning 6. júní þannig að það er komin smá spenna," segir hún jafnframt.

Stöð 2