Kennarinn í Brekkubæjarskóla valinn Vestlendingur ársins

Lesendur Skessuhorns völdu Helga Ólaf Jakobsson, grunnskólakennara í Brekkubæjarskóla á Akranesi, Vestlending ársins 2014.

Fjölmargar sendu inni tillögur og voru samtals 14 einstaklingar tilnefndir að þessu sinni.

Líkt og undanfarin sextán ár gekkst Skessuhorn fyrir vali á Vestlendingi ársins, en verðlaunin falla í hlut þess íbúa á Vesturlandi sem þykir hafa skarað framúr á einhvern hátt á árinu.

Helgi bjargaði níu ára dreng er hann viðhafði hröð og fumlaus handtök þegar kviknaði í fatnaði hans í september. Atvikið átti sér stað í skólastofu hjá nemendum í fjórða bekk.

Helgi slökkti eldinn fljótt og hljóp síðan með barnið yfir á Heilbrigðisstofnun Vesturlands, þar sem það var flutt með hraði undir læknishendur á sjúkrahús í Reykjavík.