Bjarni situr fyrir svörum í Íslandi í dag

Fjármála- og efnahagsráðherra gerir grein fyrir skuldaniðurfærslu ríkisstjórnarinnar í Íslandi í dag.

Bjarni Benediktsson, fjármála- og efnahagsráðherra, verður viðmælandi Þorbjörns Þórðarsonar í Íslandi í dag að loknum kvöldfréttum Stöðvar 2.

Bjarni kynnti aðgerðir ríkisstjórnar ásamt Sigmundi Davíð Gunnlaugssyni forsætisráðherra í Hörpu í dag. Kom þar meðal annars fram að fara eigi hraðar í að klára skuldaniðurfærslu ríkisstjórnarinnar en áður hafði verið lagt upp með. Er það til komið vegna betri stöðu ríkisfjármála en útlit var fyrir er farið var af stað í verkefnið.

Bein útsending frá viðtalinu við Bjarna hefst á Stöð 2 og Vísi á slaginu 18:55.