Zamora áfram hjá QPR

Bobby Zamora hefur skrifað undir nýjan eins árs samning við QPR en félagið endurheimti í vor sæti sitt í ensku úrvalsdeildinni.

Zamora tryggði QPR 1-0 sigur gegn Derby í úrslitaleik umspilskeppninnar í B-deildinni en þrátt fyrir það greindu enskir fjölmiðlar frá því í vor að félagið ætlaði ekki að endurnýja samning leikmannsins.

En annað hefur komið á daginn því félagið tilkynnti í morgun að samningar hefðu náðst við Zamora sem er 33 ára gamall sóknarmaður.

Kolbeinn Sigþórsson hefur að undanförnu verið orðaður við QPR en landsliðsframherjinn er sagður vera með tilboð í höndunum frá félaginu sem hann er nú að skoða. Andri Sigþórsson, bróðir hans, sagði þó nýlega við Vísi að félag Kolbeins, Ajax, hafi ekki tekið neinu tilboði í kappann.