"Rúmið er fyrir svefn og kynlíf“

Sjónvarpskonan Lauren Conrad prýðir forsíðu nýjasta heftis tímaritsins Allure. Hún er þekktust fyrir að koma fram í raunveruleikaþættinum The Hills og hefur ólíkt mörgum öðrum raunveruleikastjörnum ekki verið mikið á milli tannanna á fólki.

„Það breytti miklu að vera svona lengi í raunveruleikasjónvarpi. Fólk var í svefnherberginu mínu. Maður þarf að koma vel fram sama hvað,“ segir Lauren. Hún segist vera að reyna að hætta þeim ósið að vinna uppí rúmi og gengur það ágætlega.

„Rúmið er fyrir svefn og kynlíf.“