Vélsleðaslys á Þorskafjarðarheiði

Vélsleðamaður, sem var einn á ferð, ók fram haf hengju á Þorskafjarðarheiði. Björgunarsveitir frá Hólmavík, Reykhólum og Búðardal hafa verið kallaðar út vegna slyss sem er á heiðinni sunnanverðri.

Þetta kemur fram í tilkynningu frá Landsbjörgu. Um er að ræða vélsleðamann sem ók fram af hengju. Maðurinn var einn á ferð og hringdi sjálfur eftir aðstoð. Segist maðurinn vera illa fótbrotinn og að ástand hans fari versnandi. Þyrla Landhelgisgæslunnar var einnig kölluð út og er hún á leið á slysstað.

Uppfært: Maðurinn var fluttur í þyrlu á sjúkrahús í Reykjavík.